Hero Sandwich (荔枝角店)

Hero Sandwich 全港設有2間分店，提供不同的西式美食、漢堡包等。麵包新鮮製造，更有特式的自創大型熱狗及三文治，份量十足。以下係探險家《大仁生活》為大家作出既實地報導：「【手臂咁長】巨人熱狗~食足兩餐 @ Hero  Sandwich」今日大仁一家又去D2天台HEA, HEA前無意中給我在三樓, 竟然發現一件奇怪事...有女店員雙手捧出一隻熱狗, 一隻長度有如手臂一樣的熱狗!! SY:「嘩!畀巨人食架?!」連陳列品都出動真功夫, 我已決定這隻巨人熱狗走不出我手指罅...這店有分戶內及戶外坐位, 今日天陰陰, 怕天有不測之風雲, 所以安全計, 還是揀了室內.即叫即煮, 先上台的是大蝦意大利粉, 其實我的心一早已飛到手臂Size大熱狗的身上, 所以, 意粉便分給SY及阿太吃.因為我不吃蝦, 所以只嚐意粉也很入味, 阿太:「E度真係乜都好巨型, 連配意粉隻蝦都咁大隻, 不過又幾好食喎」大約5分鐘後, 我的至專大熱狗終於來了, 店員一端上台, 就傳來旁邊食客的耳語:「嘩!你睇隻熱狗咁長架喎」親自拿上手, 更加覺得熱狗巨型, 包圍著香腸的麵包, 有一定溫度, 而且又夠軟熟, 不過如果可以多塗點牛油, 再烘耐一點, 感覺更加美好.阿太話:「以為好睇唔好食, 點知又唔差喎, 個包又多芝麻, 幾攪鬼, 如果可以加菠蘿, 加芝士可能會仲好食...」眼前的年輕人原來就是老闆之一, Tony本來推介我吃安格斯牛肉漢堡 (嘩!個漢堡包超巨型,10安士安格斯, Size十足SY個頭咁大呀...) 於是我揀了燒肉眼三文治吧!」與其說是三文治, 我覺得似一個漢堡多一點, 不過熱辣辣, 薄切肉眼混入蛋黃醬配芝士, 秉承Hero Sandwich的巨型出品, 非常統一. (好似啲嘢食全部都係畀巨人食)Tony繼續說:「三文治好唔好食呀? 牛肉醃製同醬料都係我哋自己研究出嚟, 所以大角咀一日都賣超過100個架」(咁犀利??你哋分店呀??)原來 Hero Sandwich是由他們三兄弟合作經營, 他是二佬, 主要負責D2分店, 大角咀詩歌舞街才是總店, 已經營運了5年. (真係唔知大角咀有得食大熱狗喎)二佬Tony搖一搖頭:「大角咀賣嘅Size都係正常份量, 係D2依度先有大熱狗賣, 算係綽頭啦, 咁大隻一般都係2-3個人share, 一個人真係好少食得晒」(無錯, 今日我將吃剩的熱狗, 及三文治外賣回家, 夜晚當晚餐再食過, 隔咗幾個鐘, 叮翻熱都出奇地好好食喎, 而且分兩餐, 仲可以食得好飽, 究竟係我細食, 定本來真係畀巨人食嘅呢?)原來Tony三兄弟在加拿大讀書, 吃慣外國人份量的食物, 所以畢業後回港, 就決定賣外國人份量的包, 而去年8月開分店時, 更將大變成巨型, 發揚光大自創有如2公升可樂樽的大熱狗.我問Tony:「你覺得自己嘅熱狗除咗大條之外, 有咩係畀人優勝?」, Tony好有信心說:「一定係個麵包, 因為我哋嘅麵包每日新鮮整架, 講真吖, 度度熱狗啲腸都係差唔多架啦, 我知好多人都係問嘉頓攞包, 我哋嘅芝麻包係自己製, 唔同嘅...」(係喎. 唔掛得之超多芝麻, 個包又夠香啦...Tony...考慮吓阿太提意, 加多啲配料畀人揀, 你個巨人熱狗一定更正!!)