朱古力脆脆瑞士卷 - 附食譜
|
|
concon煮意
2014-07-07
5873
5
|
朱古力脆脆瑞士卷
靚仔嘛 ! 都唔錯, 我自己覺得, 嘻嘻! 仍在學習進步中!
有d脆脆係入面好正, 小小0既點綴, 可以帶出咗
朱古力瑞士卷有更上一層樓感覺!
材料: A) 蛋黄 4隻 (中型蛋) 大約90g
B) 蛋白 6隻 (中型蛋) 大約180g
鹽少許 ( 幾粒幼鹽)
白醋或檸檬汁幾滴
C) 低筋粉 83g 朱古力粉 12g
粟粉 5g
饀料 : 淡忌廉140g加砂糖10g打起 (如果懶就可以120g甜忌廉打起就得喇) 朱古力脆脆粒 適量
做法: 1. (B材料) 蛋白加鹽打至起泡,打至细白泡沫, 立刻分3次加入砂糖,打至提起有彎鉤。 2. (A材料) 蛋黄和砂糖坐暖水大約40度左右混合, 攪拌到變淡黃微微杰身,加入全部菜油拌勻, 再分次加入奶和水。係呢個時候篩入低筋粉拌勻, (低筋粉先和朱古力粉混合過篩3次)。 3. 把1/3蛋白加入到蛋黄中,拌匀。將蛋黃糊倒回2/3蛋白 糊拌勻。 4. 把朱古力麵糊倒入鋪了油纸的焗盆中,雙手揸住焗盆拷幾下, 下面再放多一個烤盆, 放入已預熱175度的焗爐(上下火), 焗15 - 20分鐘至表面上色均匀, 如發現一邊深色少少, 焗至 一半時間左右,快手轉個位置不要影響蛋糕。 5. 出爐把蛋糕體倒扣放在新牛油紙放在涼架上,解開四角 的撕開蛋糕體的牛油纸蓋回放凉。 6. 查忌廉的一方打橫輕輕介上幾刀, 把打發的淡忌廉抹平, 留下四邊少少位不用查了, 因為卷的時候會有少許走 位置,放入朱古力脆脆粒卷起来,用牛油纸包好,放入雪櫃最少 雪 2個鐘定型,攪掂。
|
商店 |