抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

文化屋雜貨店 BUNKAYA ZAKKATEN (尖沙咀店)

1評論人均$1-$100
電話:
付款方式:現金
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

文化屋雜貨店 BUNKAYA ZAKKATEN (尖沙咀店)介紹

本店是日本東京原宿icon店舖 「 文化屋雑貨店 」的首間海外分店,社長長谷川義太郎先生希望透過此店與不同人士分享設計的樂趣和心得,並與香港文化作出溝通和交流,店內盡是極有特色的 精品 、 雜貨 和 擺設 。以下係探險家《大仁生活》為大家作出既實地報導:「【尋寶2小時】去咗日本一樣!!鬼馬文化 屋雜貨店」屹立在尖沙嘴韓國街街口的文化屋雜貨店, 不經不覺已有2年歷史. 文化屋搬到尖沙嘴, 我也未有機會去潮聖過, 今日放假正正是個好機會.2年前曾到訪銅鑼灣分店, 原來半年前已經結業. 非常可惜. (吓! 聽到有啲似老朋友走咗一樣咁唔開心)TST的文化屋店前面街口最近打摏, 很嘈...沙塵滾滾, 快步由花店樓梯走上一樓, 登時清新得, 似由隨意門走到日本下北澤的綠洲小店.這裡就是給人很有格, 很鬼馬, 很有型, 很生活的感覺, 就連大頭佛姐姐及獅子妹妹也很創意的與我打招呼.店員Bamboo很興奮的向我推介:「E兩個鞋袋係新返架! 扮到好日本小學生Feel, 係米好靚呢?」(個大隻佬係米陳啟泰嚟㗎??)有個人頭BB, 我問店員Green, 個身掉失了嗎? 她答:「唔係呀!真係得個頭咋, 幾多人買㗎喎」(可能要嚟練剪頭髮㗎? 係米呀?? ~(咁又唔知喎))去年是日本文化屋40周年, 所以社長特別與設計師MIKKI合作設計了這盞華麗轉身吊燈給香港分店. (我八卦問問價錢, 原來Green說係非賣品, 唔賣喎)社長全名長谷川義太郎, 打算退休, 阿Green打開一本文化屋的日文書給我看, 「成本書好詳細介紹我哋㗎...社長寫嘅, 你慢慢睇吖」 (如果我睇得明咁多日文就好喇)因為社長退休, 所以本來日本總社製作的陶瓷也會停止生產, (E個係米社長公仔版呀?) 阿Green哈哈大答:「唔似! 唔似!...點會似..佢叫OKAME, 係古代美女, 係我哋個吉祥物嚟」(吓??女仔嚟咩?? 日版楊玉環掛)我最初幾為:「邊個咁手㾗, 塞咗個公仔頭係個士兵度??」, 原來是原創的, 好吸引, 我覺得全店最靚...$68一個...(不過如果買, 要一次過買一堆先夠震撼.我真的有尋到寶物, 就是兩支日本某品牌, 35周年的波子汽水...誰知阿Green指 : 「唔賣㗎, 同事係日本見到得意, 入返嚟擺咋, 過晒期喇」(我都知過期, 但真係好靚, 好想要)我問Bamboo:「動物餅有咩咁特別?」她答:「做樣㗎咋...話畀人知, 我哋有動物餅公仔, 咕臣, Tee, 毛巾...連環保袋都有, 我可能太老套, 孭得不是太夾, 應該適合潮人多一點. (我都係唔啱扮後生㗎喇)我最初以為只有潮人, 或者ABC才會來光顧, 原來不少公公婆婆也是這裡常客, Green:「係呀!好似上年返E個豉油魚, 之前有個婆婆一見到, 不知幾鍾意, 即刻買咗」菜刀手袋, 真的型到不得了, (Green不如你攞兩個影?), 她答:「攞一個都好型囉喎...」不過, 戴出街會不會被慈母截停查問呢? 任職文化屋半年的Green說:「約半年前知道銅鑼灣文化屋加租結業, 覺得好可惜, 咁啱之後又見到佢哋尖沙嘴E度登報請人, 所以就嚟見工囉」(妳真係好有Heart)阿Green分享了一件難忘事:「曾經有兩位唔識嘅年青人, 先後入嚟睇嘢, 睇睇下可能覺得好啱Key, 於是就開始傾計, 之後仲交換埋ig」(咁佢哋之後係米一齊去咗High Tea?) 阿Green: 「我要看舖, 之後發展就唔知啦...不過佢哋就係一齊走囉...真係估唔到兩個唔識嘅人會做到Friend, 幾攪笑吖」原來現時年輕人愛戶外活動, (我只係鍾意瞓...難怪我係老嘢啦), 所以文化屋引入不少行山鞋, 行山帽, 阿Green:「啲行山鞋係防滑㗎, 好多女仔嚟買, 佢哋覺得加對襪襯嚟著囉」(紮染嗰對真係幾鬼靚) Bamboo最愛這個剛剛返貨一個月的夏威夷毛巾公仔:「佢係掛毛巾架」. (個公仔吊吊揈揈, 係夠得戚喎!!)電鍍的大水壺, Bamboo:「一物兩用, 可以當水壺, 又可以做錢罌」(咁鬼大個水壺, 裝滿水都應該好重吓)Green推介由不同印度海報印製而成的筆袋:「好多唔同類型, 由日本總公司自己造成, 好有Feel」其實文化屋真的最適合慢慢Hea, 兩位店員又好傾, 無端端我又消磨了2小時. 下次放假再來尋寶.Add:尖沙咀金巴利街22號1樓Tel :27212227