抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

Cafe Paradise

22評論人均$163.7
電話:
付款方式:現金
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

Cafe Paradise介紹

Cafe Paradise 位於太子界限街23號地下,提供沙律小食、西式粉麵飯、甜品及多款意式咖啡同特飲等。以下係探險家《山區麵包王》為大家作出既實地報導:「Cafe  Paradise:一念天堂,一念美味!」曾經有人問,究竟天堂同地獄喺點,相信都無乜人答得上,但天堂俾人嘅印象都喺好得無比。朋友嘅介紹,是夜專誠走訪過嚟依間天堂咖啡室,嚐嚐依度嘅晚餐。晌門口都已經先睇睇晚餐有咩選擇先進店,入到去,小店頗細,呈長形,全店應該大概廿多個位左右,但都見花唔少心思晌裝修及一啲小擺設之上。散叫餐牌包括沙律、小食、意大利粉、意大利飯、天使麵、甜品及多款意式咖啡同特飲,種類較偏向意大行口味。然而,晚餐口味上則多元化少少,有豬手、肉眼扒、扒春雞……等等,以所揀嘅主菜定價,共有6款,價錢由$118-$158,所有晚餐都包餐湯、沙律、甜品及餐飲,而餐飲更可加錢改為特飲(+$15)或花茶一壺(+$25),款式選擇多。意大利什菜湯先送上是日餐湯,簡單嘅什菜湯,實在足料,飲落味道好濃郁,裡面有好材料,酸香醒胃。田園沙律賣相略嫌普通咗,只有沙律菜加意大利油醋汁,雖然味道清新,但確喺欠賣相。大路啲嘅加粒車厘茄,如果高檔兼精緻啲加舊意大利乾蕃茄,咁又會唔會好好多呢?香脆豬手配燒汁 $148份量真喺唔嘢少,豬手好大隻,又伴有好多炸薯角及蔬菜,蔬菜亦都襯得豐富,有西蘭花、翠玉瓜、甘筍等等,輕輕蒜蓉炒過,好爽口,無話白烚煮到腍晒。而豬手估唔得外皮超脆, 咔嚓應聲裂開,然而,肉質出奇咁鬆化,好奇問問店長,原來其中秘訣之一喺先炆後炸,其他秘訣就當然喺商業啦,點會話我知吖,但整道豬手確實好食。甜品迷你朱古力慕絲餅配雪糕,件慕絲餅果然好迷你,所以,似喺雪糕球伴慕絲餅。慕絲餅嘅朱古力海綿蛋糕有點乾,但慕絲部份不失香濃,口感亦柔滑,而雪糕球應該喺Dreyer’s 嘅妙趣曲奇,一大球,無手軟,依款口味我又啱食。榛子拿鐵 +$15果然無揀錯要杯鮮奶咖啡,唔單止拉花個圖案拉得細緻工整,而重點喺奶泡撞濃縮咖啡時做到嘅口感,細滑而均勻,口感一流,無需落糖,每啖嘅咖啡味都好一致,又滲出微微榛子香,讚呀!店員服務殷勤有禮,上菜嘅速度又啱啱好,一道菜食完就接另一道菜,唔會太急,亦唔會間隔太耐。可能小店關係,加上位置又少少偏埋去內街一邊,如斯服務都唔收加一。此外,見佢哋都有做「全日早餐」(All Day Breakfast),3款選擇,均奉送橙汁一杯,有機會都想嚟試試!因為見個場細細,可以搞啲小型聚會,問問店長可唔可以包場,問落收費都合理,午餐 (12:00pm-2:30pm)收$4,000,自助餐形式,預24人左右;然則,晚餐時間長啲(6:00pm-10:00pm)收$6,000,自助餐或散叫都得,平均250個人頭,真喺有得諗喎。個人評分味道:9/10環境:8/10服務:9/10抵食:8/10平均每人消費:HK$163餐廳資料:Cafe Paradise太子界限街23號地下C舖3489 2212