冰室 Tea House

冰室 Tea House 位於紅磡民泰街6A號黃埔新邨2期地下，冰室招牌蒜蓉包以及創意的彊汁奶茶吸引不少人慕名前來。以下係探險家《 大仁生活 》為大家作出既實地報導：「【多料多到瀉】單眼皮男人的無敵蒜蓉包 @ 冰室」朋友介紹紅磡有間開了約4個月的「冰室」好正, 一定要食蒜蓉包, 好好好..蒜蓉包.我的最愛, 即時就要去...不過落到民泰街, 原來有兩冰室喎.上網找一找...哦!!原來店名就是「冰室」, 難怪朋友Whatsapp來的相也只有冰室兩字啦...我對SY說:「入去啦...係E間啦...」SY:「你點知呢? (因為個牌寫住蒜蓉包囉)...蒜蓉包我想食呀!!」坐下二話不說落單...但原來這裡是要先到收銀櫃位付款, 之後就店員就拿食物給你...這裡的蒜蓉包超水準, 餡料完全攻陷整塊包, 絶無欺場, 薑汁檸蜜夾蒜蓉包簡直絶配...(不過本仁日日慣飲薑茶, 略嫌這裡的薑汁太少了)甜食的奶皇多士驚喜到爆, 多到「漏」的奶皇, 奶皇包經常食, 原來用多士夾起來會更加好味道....姓劉的老闆經過, 我跟他說:「蒜蓉包好得, 係米最招牌呀?」老闆答:「講真無話招唔招牌...茶餐廳間間都係咁做, 只不過我哋比較用心, 人哋多士查少少, 我哋查得均均勻勻啦!!」(係查到瀉咁多料喎)朋友說一定要點法式牛脷煙肉芝士潛艇...饀料一樣充足, 好食就是好食, 但沒有朋友說得那麼喜出望愛, 或者之前的蒜蓉包太超班吧!阿太飲的豆腐花紅豆冰, 如果可幾製作至餐牌一模一樣就真的不得了, 味道淡口了少少...反而跟餐加$15的薯角, 及沙律更可以殺仁於措手不及, 配角有時演出比主角更出色....今晚就是一個好例子.原來劉老闆做廚已經十年, 「冰室 」是試金石, 「吐司工房, 阿坤可以嚟香港開, 冰室始終係我哋香港人文化, 所以最終我想殺出海外. 不過, 首先要做返好先, 事關出面太多人開冰室, 做到好Cheap, 好爛, 無晒水準...」(原來你咁有抱負, 單眼皮的男人果然不同凡響) (點解你間舖頭無名嘅?) 劉老闆矇矇眼說:「出面咁多乜乜冰室, 物物冰室, 所以索性唔要名, 遲啲開分店, 就會叫冰室II, 冰室III, 冰室IV」(嘩!好正喎...不過開到第9間...讀音米要好小心??)(怕唔怕同隔離撞呀??) 老闆理直氣壯:「我同隔離都唔同範疇, 無比較, 各有各做啦...最主要係我想開返近我海逸豪園間《雙式冰室》附近, 有照應麻」(兩間舖嘅老闆...單眼皮男人不能小覷)老闆推介我吃扒丹佛芝士三文治, 及豬扒包, 他說全店最出色...但我真的太飽, 下次我一定會再來試過. 又平又抵又足料...最重要大家都係單眼皮男人麻...