抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

泰廚泰國菜館

16評論人均$149.1 價目表
付款方式:Cash,現金
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

泰廚泰國菜館介紹

泰廚泰國菜館經常到旺角食飯的你,有冇試過 泰廚泰國菜館 的手勢呢?如果你仲未試過,你就真係走寶了!泰廚泰國菜館 係一間位於旺角的泰式餐廳,喺呢度你可以品嚐到不同的泰國菜,雖然 泰廚泰國菜館 是一間細少的菜館,但他們注重店內的服務質素,更堅持每道菜色的美味,所有食材都經由嚴格揀選,將全心全意把美味的佳餚呈現給你。泰廚泰國菜館 以地道的泰國料理為主,主廚是泰國人,對選用食材非常講究,每天都會搜羅新鮮食材,再配上正宗泰式的烹調技巧,精心炮製美味給客人享用。泰廚泰國菜館 有許多特色菜,而且價廉物美,絕對令你垂涎三尺,回味無窮。(左上) 必食之一「波蘿炒飯」菠蘿爽口香甜,配上肉鬆蝦仁等,淡淡清香,芬香噗鼻。(右上) 皇牌推介「泰式海南雞」,主廚堅持每天親自到街市挑選新鮮雞隻,海南雞再配備雞油飯充滿香茅香草的獨特鮮味,而且自家鮮製的泰式醬汁完完全全食出泰國神髓。(左下) 主廚自家秘製醬汁,見到都想即刻食。(右下) 和牛串 ─ 罕有利用和牛做串燒,肉汁緊緊鎖在牛肉內,配備自製醬汁,絕對令你回味無窮。 (上) 食泰菜不可缺少嘅泰式街頭小食 ─ 燒雞翼,泰廚泰國菜館 所用的醬料都是由我們的首席泰廚親自較調。(中) 最具代表性的泰式海鮮湯「泰式冬陰功」,其中的酸辣味特別能激活味蕾,新鮮大蝦的鮮味留在口中,簡直就是開胃利器啊!而且被譽為防癌食品,點可以唔試?(下) 「泰式酸辣鳳爪沙律」係餐前涼菜,酸甜咸辣可口,絕對令人食指大動!!!一般嘅茶餐廳只係得西式早餐,泰廚泰國菜館 身為泰國菜館,又點會少得泰式早餐呢!? 大眾化的價格就可以品嚐到一份美味的特色早餐,你又點可以錯過?泰廚泰國菜館 鄰近旺角地鐵站,由B3出口上天橋轉右,看到左手面麥當勞招牌落天橋即到逹,十分方便!這裡接受預約、歡迎散客、適合團體聚會、適合兒童、外賣、傳遞、承辦外燴和侍應服務,未品嚐過 泰廚泰國菜館 的你,仲唔快啲去試下!?以下係探險家《Kami》為大家作出既實地報導:「♥ 旺角」Kawai 最喜歡邊行邊食,自然很喜歡落旺角鳩嗚+飲飲食食前兩晚放工同朋友行街街,去花園街買燒餅,之後又去買貓貓野,打算上MOKO 搵野食 (都唔知點解要改呢個名?!即係新世紀囉)在上行人天橋時,忽然見到有泰式串燒!!!燒雞翼的香味真是好難抗拒,望左一下門口的餐牌就決定在此開餐!什麼會吸引?!!就是食滿200蚊可以自選一款 $1 小菜,仲要係泰式生蝦!一行6個人食200蚊沒難度吧!!! 今次真係爽啦~!!!!其實店面不算少,還有樓上雅座,不過我地六個都係坐大台!泰式生蝦~~一心想送俾我地都應該唔慌好食.....始終係$1嘛!真係錯晒!!!隻隻生蝦都係晶瑩剔透,好似敷左SK2 咁!!口感仲要好彈牙,D肉一D都唔梅!!!(送的只有四隻,這一碟不是送的) 酸辣鳳爪自己唔係爪類Specialist, 唔知點先叫好食,鳳爪已經去了骨,但又不是軟淋淋的,個人覺得口味蠻辣的,可能我很幸運的都吃了辣椒籽吧!!我真係餓到癲左,有理無理都叫了個香茅豬扒麵!!!麵底不說了,來貨的東西,大概只是淋或唔淋,我覺得OK,剛剛好!香茅豬扒厚切的,差不多半厘米厚,炸得金香,邊位平時我就唔食的!但我那晚連骨都想食埋!湯底是傳統的泰式酸辣湯, 酸酸地幾開胃的!呢個麵早餐賣30蚊,仲要包飲品,我覺得好抵食!  之後就係串燒併盤圖片很震撼了吧!因為各人口味也不同,所以就每樣都叫少少!我最鐘意燒原隻雞翼,豬肉串燒都好好味!豬肉串燒係用梅頭肉, 所以食落比較有咬口!!蝦餅非常彈牙,蟹餅相對比較差少少,不過就有蟹香~自家包的春卷材料豐富,粉絲破卷而出似的,不過好快就淋左了~~~海南雞飯朋友知我在此開餐,遙控說一定要叫這裡的海南雞飯的確!雞很肥美,充滿了黃油,入口滑溜溜,雞味重!油飯真的好油,平常見到的是淡黃色的,這裡是深黃色的,加少少魚露調味,好鮮甜呀!!最後我是搶著要打包這個回家~菠蘿炒飯配料下得重手,用的是超甜的新鮮菠蘿,仲有葡萄乾,除了海鮮的甜味,仲有鮮果的香甜!多吃也不覺得膩! 總括來說,我覺得整體食物不錯,價錢合理,翻單機會極高!上上openrice,見到得幾篇食評,覺得無理由喔!問問老闆,原來以前是金曼谷,只是改了名,班底出品都是一樣的,之後再看看舊店的食評,才覺得正常之極..... 某程度上,我也是很咀叼的,喜歡與不喜歡都分明,有碟話碟,是我一直寫食記的大方向,就算再寫下去,我也會堅持原則!共勉!泰廚泰國餐廳旺角通菜街126號地下 (近行人扶手電梯)營業時間至凌晨2:00