GreenLive (九龍灣店)

全球最大室內高爾夫球場，任何人士, 何時何地 都可享受與眾不同的高爾夫球樂趣~以下是我們探險家 kimfamilytravel 的實地報導~嚟到MegaBox除咗去12樓玩波波池同埋IKEA食嘢, 仲有咩玩同唔駛錢!今日介紹大家去7樓既GreenLive玩, 最緊要係免費喎!我哋原本打算繼續上去其他各層睇吓仲會唔會有其他花蛋踪跡! 跟住去到L7俾我哋有重大發現我哋嚟到GreenLive門口, 見到有個「好大」既小型哥爾夫球場! 我問問職員係咪可以玩原來真係免費任玩, 咁啱今日嚟到一個人都冇, 佢哋兩個就去拎起支玩具球棍開始打Golf啦!佢哋一人一條賽道, 唔駛排隊任玩唔嬲真係爽!佢哋打哂入洞之後又拎番出嚟再玩過! 喺呢個Golf場側邊仲有兩部桌上型平板電腦Game, 其中一個仲要係好似Candy Crash既Game喎!然後我哋入去GreenLive裡面, 因為少人關係, 職員都冇話我哋運吉趕我哋走原來裡面仲有兩部Game,  哥哥一路玩超音鼠唔願走芊芊就揀咗部夾公仔機玩! 真係講都唔信, 我哋足足喺呢度留低咗成粒鐘先離開兩個頭先仲話肚餓! 點知喺度玩到唔捨得走, 打機真係毒害唔少細路! (包括我...哈)