浩南‧細細粒‧熊貓‧晒馬。會諗起乜？咪就係《古惑仔》熊貓遊 香港遊 HONG KONG 1600 pandas hk touring route PMQ 元創方 AllRightsReserved WWF 1600 熊遊

浩南‧細細粒‧熊貓‧晒馬。會諗起乜？咪就係《古惑仔》熊貓遊 香港遊 HONG KONG 1600 pandas hk touring route PMQ 元創方 AllRightsReserved WWF 1600 熊遊

記唔記得日前fb有張相，係熊貓「佔領」旺角，仲有警察叔叔上前截住，唔知係咪想告佢哋非法集會，仲有警察拎出手機影低添。原來呢批熊貓天未光就快閃旺角西洋菜街，就係要同浩南哥影相！咁細細粒黎姿呢？熊貓就拉隊，轉移陣地去咗佢間美容院快閃兼影相。

如你喜歡,請給個LIKE^^

今次浩南哥帶埋成班熊貓好兄弟喺旺角西洋菜街「晒馬」，目的係要撐保育同持續發展。浩南哥喺《古惑仔》個地頭係銅鑼灣，今次去旺角西洋菜街，可以話係跨區晒馬。由於天氣比較熱，工作人員怕熊貓們「出汗」(佢哋係紙造嘅)辛苦，因此以最快捷速度完成拍攝工作，浩南哥話：「工作人員很厲害，好快手抱晒啲熊貓出嚟，然後好快咁影咗一堆相，過程唔需要半個鐘！」

浩南哥仲話：「記得小時候去親戚屋企玩，啲大人圍住打牌，班細路就自己玩遊戲，成日會諗埋好多唔同方法懲罰輸咗嗰個。而我就唔好 彩有次俾佢哋就地取材，攞咗枱上嘅毛筆畫咗對熊貓眼，笑到佢哋標晒眼水，之後當然俾阿媽鬧啦！」

至於細細粒黎姿就話：「三個女同我一樣都好鍾意熊貓，每次去海洋公園都要去參觀熊貓館。而且當我俾佢哋睇我同紙糊熊貓合照，都話要同我一齊呢班紙糊熊貓BB。希望大家都可以一起出力，保護熊貓們繼續快樂生活於大自然之中，免受人類及環境的傷害。」

黎姿三個女從小已學習環保知識：「放假嘅時侯，佢哋會用舊物件創作一些小工藝品，例如紙巾盒、相架及花瓶等，好有心思之餘，都整得幾靚口架！另外，我們一家人都會去農莊一齊耕作，體驗農夫辛勞嘅工作，俾小朋友知道日常食物得來不易，需要好好珍惜！」