完美既一天 -

如果有一天 ... ... 咁就好啦 !

如果接機既時候 , 飛機可以準時 ( 小妹可以接受隻機早五分鐘降落 ) . 唔好突然早左十五分鐘落地 , 唔好泊係天角的盡頭 , 唔好突然轉閘口 , 唔好 Flight Full , 唔好有轉機乘客 , 唔好有人問野 , 唔好有 Goshow 輪椅 / UM ... 最好百無 ! 咁就 Good 啦 !

如果坐黃枱 ( Airlines Service Desk ) 時 , 唔好有 Offload 客 , 唔好有人 Canx Flt , 唔好有人問我國泰 / 港龍既同事去左邊 , 唔好有 Delay Flt , 唔好要我派餐券 , 唔好有人留左野係飛機上面 , 唔好有人打電話要我 log 薄 , 唔好問我點解轉閘口 / 點解無 LV 店 / 點解搵唔到廁所 / 點解要去北慧星 / 點解點解 ... 咁就非常好啦 !

如果 Hotel Escort ( 因航班延誤 , 帶乘客到酒店休息 ) 時 , 酒店最好係迪迪尼 ( 因為小妹未去過迪迪尼 ) , 一車得十個乘客 , 酒店大把房 , 三唔識七都肯一齊住一間雙人房 , 一到酒店就全部乖乖上房訓 , Office 唔好 Call 爆我 , 酒店請我食晚餐 / 早餐 , 第二朝返工唔洗我寫 Report 咁就真係要比一百分 .

如果做 Check - in Counter 時 , 無外國人 , 只得香港人 , 全部用有效期唔少於半年既特區護照 , 無下站 ( 轉機 ) / 無手提 / 無危險物品 , 行李只得二十公斤 , 無金 / 銀卡會員 , 唔洗入 APIS , 人人都肯坐中間位 , 無掃把吹我清 Q , 無傻佬煩住我 , 無動物坐飛機 / 無針筒輪椅貴賓 , 最好無 Over Book . 其實 , 中到一半都已經好感恩 !

如果做 GSD 時 , 無 EDI /INF / WCH / SPML / MSG 咁就好 . 最好唔洗拖篋上閘口 , 個篋仲重過以前既 DOC Bag ! 最唔鐘意 Set 好個場之後 , 機管局先話轉閘口 ! 轉過對面閘口都仲可以接受 , 但係轉去對面大樓就真係接受唔到囉 . 小妹無架飛機跑得咁快架 ! 希望張張 MMC Card 都無問題 , 希望全班機都無人要求轉位 , 希望個個乘客都早到閘口 , 希望無 Noshow / offload 客 . 希望乘客無手提行李 , 希望無 BB 車 / 私家輪 , 希望無槍形物體 , 希望無 Unknown bag . 最希望成班機既同事都好合作 , 唔好為小妹製造麻煩 !

如果做 Controller 時 , 每個乘客都懂得 One by one / Single line 而唔係一堆堆兼打尖 , 其實會好做好多 . 又如果每個乘客都好聰明 , 知道返中國要用回鄉証而唔係身份証 ; 兼唔好黎到小妹面前先問一些無聊問題 , 如 " 點解返大陸唔可以用身份証 " " 點解其他航空公司唔洗檢查 , 你個間咁麻煩 " . 其實 , 小妹好簡單 , 無 MSG Hold , 無機票要收就已經心滿意足 !

如果做 AB 時 , 無特別事發生 , 只係負責排隊兼檢查証件咁就好啦 ! 最唔鐘意出去搵 Last Pax , 佢遲黎 , 但我喪跑 , 究竟係咩道理 ?

如果每天都咁完美 , 咁就無意義啦 ! 就係因為每隻機都對住唔同既客 , 拍住唔同既同事跟掃把 , 所以先會咁有挑戰 , 咁值得懷念 . 繼續期待不完美的一天 !