年近歲晚公司要搬，又要二月底時要攪掂晒佢，
老板又一時改一樣野，除時今日講完第二朝又唔同做法，
成日以為由一萬尺倉搬到七千尺好簡單，真係做到人都癲。
星期日本來想去影下相，諗起屋企乜都未執只好放棄，
中午諗起好耐無煲過湯啦，又煙又酒又成日唔夠訓，
一於學Angel姐煲返個西洋菜鯪魚湯去下骨火先，
走人街市成個傻仔咁，買乜都唔知價，
見到魚檔便買條鯪魚先，初初以為好貴，買完先知一條都係 $16，
本來教落係豬骨，不過我怕肥膩，所以買廿蚊瘦肉，得好少咋，
再行去菜檔買三人份量西洋菜 (斤半)，成$15蚊好貴呀，
果漢果、陳腎、南北杏，係雪櫃搵出黎，唔知價，
煲完後大少奶先去飲下試味，
佢話d味怪怪，要我落幾粒蜜棗再煲多一陣，比佢吹漲！
本來應該影埋果碗湯比大家睇，不過唔記得左，下次先啦；
個晚大小姐最誇張，食左成一大碗煲湯果d西洋菜後重想食。
============================================
感謝 Ming明 提供以上資料
Ming明的網誌: http://ming200.blogspot.hk/
============================================
