聖誕節例牌無街去，大少奶要開工唔返屋企訓，
大少姐同佢姨媽、表姐d節目要28號先開始，
所以呢幾日假要留家睇住佢溫書，(假期完後呀考試)
兩條友無左 "老頂" 睇住，今日訓到成十二點幾先起身，
當然早餐午餐一齊食，大少姐要食M記當然最好，當時幾肚餓呀；
食飽溫書，大少姐突然話想食菜心炒牛肉，又要飲蕃茄薯仔湯加豆腐底，
咁咪又要我煮---，無計，大少姐吩咐到；
我咪行左三間超市，兩個街市格貴，發現街市真係平好多架，
好似我買個洋蔥，超市要四個幾，街市兩蚊攪掂，
胡椒粉，超市要十二個幾，街市都係兩蚊，連鹽都係兩蚊一大包；
入返正題，是日晚餐：
蕃茄薯仔 +豆腐底湯，連個濃湯寶，$13.5
菜心用左半斤，牛肉大少姐指明要醃好果檔，$23
洋蔥豬扒，街市買菜阿姐介紹我去豬肉檔買新鮮梅頭豬扒，
是日夜餐，湯ok，連鹽都唔使落，
菜心炒牛肉都無問題，不過我覺得醃好果d牛肉落得大多鬆肉粉，
新鮮豬扒果然唔同d，肉味好好，係自已個汁煮得差左少少。
唯一缺陷係------臨煮飯果時先發現d米得返好少，要即時去買，
所以今次要碗飯都影出黎比大家睇。
-------------------------------------------------------------------------------------
大少奶，我無比你睇死呀，我晚晚都有煮飯，唔係餐餐都公仔麵。
