09年大少奶同外家成班人都講要去日本自由行，
本來我都唔想去，去度咪陪你班女人日日行百貨公司，
重要行足八日再去狄士尼睇你地排隊咪攪我，寧願返工好過，
過左可能以後無得睇，而且重有台場版高達出售，外面無得買架；
就係咁呀比佢兩母女點左去。
入到去先見到佢個背面，遠遠見到已好興奮，
一枝箭咁標上去影佢正面先，
真係好多人同我一齊朝聖，人山人海；
突然間見到佢出煙，而且重識郁，全場即時好多人高呼；
睇完後，原來只得個頭會左右上下郁，
跟住重有好多人排隊入去摩下高達隻腳留念，
不過真係好多人，所以我無入去排隊，影多幾張相重好，
最後當然要影返張相留念下，你睇件衫幾濕，其實背脊係濕晒架！
班女人當然唔會同我傻，全部係樹底打NDS或計劃下一站去邊間百貨。
半日的收鑊......換來全程的百貨公司旅程。
..............................................................................................................................
而這次的日本之旅亦將我帶上攝影之路，
當時全程都不懂用那部 D60，所以全部相都用 P來拍攝，
回港覺得很多相都影得很差，在努力學習下漸漸喜歡上攝影。
可惜都是太少時間去實戰攝影......
唉 , 你算好啦 . 啲女人都仲肯喺旁邊打 NDS 冇自己走咗去 shopping.
我好好鍾意模型，咁高大都好有興趣，最衰周身無蚊，唔係........。
可以一家人去吓旅行幾開心 ~ 好好珍惜呀
我對模型冇認識，不過都覺得呢個巨形高達好真好靚 。