星期日大少奶帶大少姐去聽學校個音樂會，
我諗住無皇管呀去商場影下聖誕燈飾，大少奶聽到我咁講，
即時話，好呀，不過你記得去朗豪坊影 Holly Kitty喎，好靚架；
不過為著有好日子過，點都要去架......；
見到個門口啦，當街影姐，手起制落咁又一張；
見到聖誕飾物，隨手又一張，
上到四樓見到個隻短手短腳大頭公仔啦，唔好話無乜人呀，
呢張？我等極都咁多人，直情係行唔到埋去，男女雙劍合壁果然厲害，
見有個女仔幾靚，求其影張交差；
影呢 d咪好，唔使同人迫，可以慢慢自己影；
一隻無人 show 既熊仔，都幾威猛靚仔呀，支持下你；
一個郵筒姐，兩個人互不相識都可以各企一邊，又係果句，交差姐；
又係打晒交咁影張相，影左成 5 張，張張都有相機、人手、人頭擋住，
呢張算係少野阻檔；
無人駕駛摩天輪，閃閃下都幾得意；
個場面積唔細，重分開好多組別，不過 d人實左太多太多；
夜啦，我走先，你自己係度慢慢企，
我搭巴士去第二度影啦。
( 比隻野攪到我都好似傻左咁！)
回覆