舊年10月無啦啦比老闆兩公婆捉左去四川公幹三天，
點知去到第一日當晚已經比我同對方講掂晒，
咁重有兩日點算呢？
當晚回酒店見到有d一日遊果d團喎，團費都係 200人仔，
咁大個仔都未去過四川，當然即時去報名先啦，
行程係都江偃+青城山，都幾出名喎，點知呀出事，
報完名先知要晨早5點鐘要自己去西南財經大學門口等車，
見到有野食即飛去食左先算，地下都濕架，
果時已經開始落雨，睇過去江偃d水流都好急，
過橋時當然順手影張相，
過完橋呀節目開始，霧開始大，雨又不停落，都唔明點解會咁；
用200mm鏡影過去，水流真係好急.........
造呢個係都江偃影得最清果張相，
影完後，我馬上去買個杯麵食，
( 當時我只著件 T，又無乜食野，又落雨，幾凍架。)
再座個零鐘車，青城山，我o黎啦，
霧開始無咁大，不過雨呀越落越大，雨傘雨衣一齊出先得；
條路濕到呀，重要路上d霧又開始o黎，又要拎機又要拎傘，d雨又越落越大，攪到全程無乜影過。
返到酒店重要無暖氣，急急食d野沖個熱水涼，再將部機放係通風位吹吹佢，馬上訓教，好彩部機無事，唔係呀心痛死。( 部機新買咋 )
第二次就跟團，就係上峨眉同樂山大佛喇 。
都係我老闆娘醒目，帶部GF1去；
其實同團得我地三個係香港人，其他都係國內人，果種感覺幾特別。