今日行程 : 郵便局 —> 黑門市場 (Lunch) —> 日本橋電器街 —> 通天閣 —> 大阪港 —> 梅田 (Dinner) —> 夜行巴士往新宿
終於 Last Day 在大阪喇 !!!!!
今朝終於唔使 7 點幾起身喇 !!! 因為今日第一個任務就係去郵局寄件先, 而我地去果間 大阪中央郵局 就响酒店附近, 大約行 10 mins 路程, 加上佢 9:00 am 先開門, 所以可以唔使咁早起身 ~~
其實本來我地都打算 9:00 am 前去到郵局等佢開門架, 但奈何一紮醒已經係 8:30 am 喇, 所以去到郵局都已經 9:30 am lu ~
要寄既野實在太重喇, 尋晚將 d 要寄既物品 pack 好晒落個喼度, 雖然係短短 10 mins 既路程, 但拖喼都拖到我地索晒氣呀 !!!!!
終於都到喇, 成個人散咁滯 !!!!!!!!
去到雖然唔係好多人, 但都等左一陣, 我地排到埋去首先同職員講想寄東西返 HK, 之後佢就會問你想寄既係 d 咩物品 ~ 食物同書都無問題, 但係化妝品, 護膚品因為有酒精就唔可以寄 ~
之後就俾張 form 我地填, 同埋買紙箱 ~
我地呢個 size 既箱係 360 yen ~ (類似橙箱的 size)
隊長就好努力咁填 form, 二等兵就好努力咁 pack 箱, 封箱 ~突然好似响公司 pack 貨咁 ~
Pack 好晒又要重新排隊寄件喇 !!!!!!!
成 25 kg, 郵費要 22,200 yen !!!!!!!!!!!
(收費表 : http://www.post.japanpost.jp/int/download/ems-charges_cn.pdf)
買果陣就買得好過癮喇 !!!!!! 寄果陣就知味道, 但如果而家唔寄, 去到航空公司都實 overload 啦, 倒不如而家寄左佢喇 …………
隊長, 你肉唔肉赤呀 ???
二等兵就好肉赤喇 !!! 奈何呢個係團友自費活動, 所以二等兵都阻止唔黎 !!!!!!!!
寄完件, 買張郵票寄左張明信片返 HK 後就走得 lu ~
好, 要拖返個吉喼返酒店 check out 喇 !!!
翻新中既 JR 大阪駅 ~~
返酒店途中成個人輕晒, 荷包亦都輕左一大截 ~
好喇, 傷心既事忘記佢, 玩埋餘下行程先算 ~~
日日行過呢度都係黑媽媽, 影幾張酒店附近既日景俾你地睇下先 ~
呢條就係 “四つ橋筋” la ~~
全部都係名店 ………..
呢隻就係前兩晚見到嗰隻穿牆貓 ~
呢楝大廈勁型, 原來係
"HAL 大阪" (類似教 Computer Graphic 既学校) ~
返到酒店 check out, 寄存埋d 行李响酒店, 我地就出發喇 !!!!
到今晚先返黎搭夜行巴士 ~
每日都會經過既地下街 6-48 出口 ~
第一站會去黑門市場, 我地搭地下鐵四つ橋線 ~~
坐到本町駅 ~~
見到小飛俠宣傳上海世博 ~~
轉御堂筋線 ~~
咪住, 我地去黑門市場之前會加插一個特別活動先 ~
因為响 Day 1, 二等兵自己一個人行街既時候, 經過呢間舖頭
(Bonta Cuma) 見到 Le Sportsac 大減價 (低至 50% off), 好想買個袋俾屋企人, 但之後既 Day 2, Day 3 同 Day 5 夜晚黎到既時候都已經收左舖喇 !!!
所以隊長今朝特別安排呢個活動俾二等兵黎 shopping !!!
哈哈, 真係抵喇, 50% off 吖 ~~~ 一個斜揹袋都係 4410 yen ~
隊長見二等兵買得咁開心, 佢又買左個俾屋企人 !!!
買完手信, 拿拿臨行去黑門市場先, 成朝都未食過野 !!!
沿路見到消防車, 隊長又影一餐 ~
千日前中央通 ~~
終於黎到 黑門市場 喇 !!!
早餐都未食吖, 就已經做左咁多劇烈運動喇, 所以一到埗, 就即刻黎到 黒門三平 (海老の大榮) 食早餐先 !!! kaka ~
睇下食乜先 ~
隊長一睇就睇中呢盒大拖羅壽司 (1000 yen) ~ 買完即刻搵個位坐低食喇 !!!
你睇鬆鬆個樣 !!! 牛咁眼望住件拖羅壽司 !!!
wow, 好大塊吖 !!!!! 望落去都知幾咁新鮮 !!!
好好味呀 !!!!!!!!!!
見咁好味我地唔好俾佢停喇 !!! 再睇下有 d 咩食先 ~
揀左一板海膽 (1500 yen) & 一盒帆立貝刺身 (850 yen)
鬆鬆同雞仔都望實盒帆立貝刺身 !!!!!
好新鮮吖 !!!!!!!!!!!!
二等兵同隊長 : “好 “先呼" (
) 呀 !!! 終於搵返 “先呼” 既感覺喇 !!!”
食剩一粒, 我地忍唔住要去買多盒 !!!!!!!
好滿足, 好滿足, 好滿足 !!!
食完 “先呼的帆立貝同海膽” 後, 我地行去對面間 supermarket
(黒門中川 スーパー), 睇下有咩啱買先 ~
兜左個圈, 鎖定目標, 買左盒福岡出產既士多啤梨 (444 yen) ~
其實士多啤梨都有好多地方 (縣) 出產, 唔係個個地方都甜 ga, 我地試過福岡出產的都幾甜, 都有品質既保證 ~
俾完錢, 即時响店外一角食晒佢, 正呀 ….. 好甜 !!!
之後入去買多盒留返今晚搭夜行巴士時吃 ~
再四圍逛下先 ~
呢度好多店舖有雞泡魚賣 ~
"浜藤" ~~
我地走去 8 下先 ~
呢幾條雞泡魚攤晒响度好得意吖 ~
好貴架, 接近 13,000 yen一條 !!!
二等兵覺得 d 雞泡魚好得意吖 ~
呢間就係我地尋晚响心齋橋入左好多貨既 "お菓子のデパート よしや" 既分店 (黑門市場店) ~ d 零食都好平架, 仲平過上野 - 二木の菓子, 各位團友可以响呢度入貨 !!!
呢間係
“黒門市場さぬき”, 食烏冬 ga, 但咁早未開門 ~
"肉は神戸屋",
神戶牛, 好吸引呀 !!!
日本 d 街市真係乾淨衛生吖 ~
我地終於又搵到 target 喇 !!!
估下我地跟住食乜 ??
“マルショー水産” …………
就係試下雞泡魚刺身囉 ~~
睇下放晒响度既雞泡魚先 ~
好貴呀 …… d 雞泡魚 ~
寫住 “天然” ga, 即係唔係人工養殖 ~
間舖頭就係咁架啦 !!!
好喇, 揀下要邊種先 ~
500 yen 係魚皮, 1500 yen 係雞泡魚刺身, 魚春 & 魚皮, 350 yen 就唔知係乜東東呢 ?? 不過老闆話唔係雞泡魚 ~
我地揀左 1500 yen 果碟 ~
佢知道我地即刻食之後, 就幫我地調味喇 !!!
攪完一輪有得食喇 !!!
其實 d 魚無咩味, 仲比較靱 tim ~ 係一定要靠豉油, 檸檬汁去吊起個味囉 ~
雖然味道係一般 !!! 不過人一世物一世, 黎到大阪點都要試下呀 !!!
食完雞泡魚刺身, 我地過對面 “高橋食品” 買杯豆槳 (80 yen) 潤下喉先 ~
唔知點解張張相鬆鬆都會望實 d 食物架 =.=
好濃豆味, 正 ~
下回 : Day 6 Part 2
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
