侵略完越秀公園 & 中山紀念堂之後, 隊長同二等兵已經筋疲力盡喇, 但一場嚟到廣州, 梗係要玩盡佢啦 !!!
因為今晚坐直通車返深圳, 所以我哋打算在火車站附近食晚餐, 於是我哋返回林和西站附近 hea 下 ~
呢度係屬於天河區, 呢個區都幾高級0架, 無論係 Building 定係商場裡面既店舖都係 ~
中國市長大廈, 好有氣勢 bor !!
以前二等兵細細個嚟廣州既時候去過友誼商店, 所以每次經過親都話要入去行吓, 今日隊長終於達成二等兵既願望喇 !!
嘩 …. 乜而家既友誼商店咁高級0架 !!! 我哋見到 d 價錢簡直不能置信 !! 平時 HK 賣開 HK $3x 既產品, 在友誼商店竟然賣緊 RMB 8x 人仔 !!! 計埋 exchange rate, 咪即係 HK 既 3 倍價錢 ??? 乜家陣大陸 d 生活指數高到咁 !!
行咗陣因為太高級既關係行到我哋悶悶哋, 我哋坐响度抖下既時候, 竟然瞓著咗, 仲要一瞓瞓咗半個鐘, 醒返既時候已經係 5:00 pm 喇 ~
於是我哋就返酒店取行李, 再去食晚飯 !!!
我哋嚟
到位於酒店同火車站中間的耀中廣場 ~
你哋睇吓個水牌, 係咪好親切呢 ?? kakaka …. 香港海鮮酒家…..九龍半島西餐廳 !!
我哋揀選了 M/F 的 “九龍半島西餐廳”, 乜隊長咁客氣呀, 同二等兵嚟到 “九龍半島” 食生日飯, kakaka ![]()
其實係因為隊長之前在中國 openrice 見到 d comment 都幾好, 咁我哋頭先都嚟視察過環境, 環境都幾舒適, 唔錯 bor, 於是咪嚟呢間囉 !!
呢度係食 buffet, RMB45 一位, 咁平 ?? 得唔得0架 ??
因為始終唔係自己地頭, 所以唔敢出去影相, 只係拎返埋位先敢影 !!
其實款式都幾多, 食物既樣貌都唔錯, 但味道就………..嘛嘛囉 !!
好喇, 大家睇下有咩食 ~
隊長第一轉就攞炒飯同炒麵, 仲有壽司 … 都話隊長係飯桶嚟0架啦 !!! 仲有呢串 “蕃茄腸仔串” 係好好味, 值得一讚 !!
茶樹菇湯同冷盤 — 涼拌草菇 & 涼拌青瓜 ~ 湯就好住家 feel, 但冷盤就太辣了 !!
好唔得既飲品 — 無氣既可樂 & 無乜味既檸茶…. 到第二轉已經無晒可樂, 得返檸茶同橙汁, 仲淡過第一轉 @_@
二等兵就開始試沙律, 一般啦, 無咩要求 ….
生果 pizza, 蒜蓉包, 魷魚鬚
, 蕃茄腸仔串同炒麵樣樣攞 d ~
嗜辣既隊長又攞勁辣既冷盤 ~
二等兵呢個時候已經甜品又攞 d, 熱盤又攞 d…因為出面已經無咩好食喇 @_@
呢兩個酥皮湯係送的 ~ RMB 45 仲有酥皮湯送, 算係咁啦 !!! 仲想點 ??
之但係 ….唔知係咪食開 D21 果 d 質素呢 ?? 呢個酥皮湯 no good …..
睇嚟連中國版既 openrice 都信唔過 …….
見到隔離枱攞咗好多蝦, 二等兵出去找尋蝦既踪影又唔見有, 唯有食格仔餅, 沙律同 cake ~
隊長又飲湯喇, 仲有後面果碟腐乳通菜 !!
呢度仲有個大排檔可以叫廚師煮湯粉0架 !!! 自選配料, 款式選擇都幾多 !!
呢碟係全晚最好食的食物 ….. 白灼芥蘭肥牛 !!
食多幾件 cake 先 ~ happy birthday to me …. hehe
新朋友 ?? 呢個就係隊長送俾二等兵既新朋友喇 !! 值得留意既係, 因為二等兵又話要影相 …… 大家睇下身後等食既隊長已經唔耐煩地撓埋雙手以示不滿 …….@_@
食完 buffet 大約 8:00 pm, 我哋行返去廣州東站既時候已經開始大風同落雨 (當晚 HK 掛緊 3 號風球), 我哋本來想睇睇夜晚既天河飄絹, 因為聽網友說夜晚嗰瀑布會開著各種顏色既燈, 好靚的 ~~ 但今晚嚟到個瀑布無開 …. 又無開燈 …. 無得睇~ 於是我哋就在水池附近影下相啦 !!
尋日到步時已經買咗回程直通火車票返深圳, 我哋坐 D7101 班車 (9:15 pm), 仲有時間四圍行吓 ~
响火車站四圍攪攪陣之後, 我哋就預備上車喇 ~
架車好舒服, 呢個鐘瞓到死豬咁 ….但 d 冷氣就好強勁 …..
好喇 ….. 10:23 pm 就返到深圳喇 !! ^^
立即去過關就返 HK !!!
响羅湖上車已經差唔多 11:00 pm, 果陣睇火車上的電視先知 11:30pm 將會掛 8 號風球, 好彩咋, 如果早一日掛就掃興喇 !!
返到屋企睇返 d 相, 只不過係兩日既行程, 竟然影咗………909 張相 !!! ![]()
![]()
果然係一個影相怪 …… ![]()
各位團友, 兩天廣州之旅圓滿結束, 謝謝各位收看 !! ![]()
(請看下回 : 侵略廣州之 food and drink 篇)
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
