考完試, 終於可以去玩下喇, 隊長一早講好話等二等兵考完試就去深圳小肥羊, 我地今日 hea 住咁 GO GO GO !!!
我地黎到 燕南路 Walmart 附近既小肥羊, 本來隊長話想行埋 Walmart 先食, 但我地大約 5:40 pm 左右黎到門口, 見到無人等位就入去喇, 食完先去行 Walmart ~ 好彩做左呢個明智既決定, 因為到大約 6:15pm 開始就好多人喇!!!
上到 2/F 都未坐低, 已經聞到陣陣羊 “酥” 味喇, 好彩隊長同二等兵都食羊架啫~ 又唔怕 “酥”, 唔係就唔可以黎小肥羊食喇~
其實二等兵好鍾意呢隻羊頭 logo, 眼仔碌碌咁, 好得意~
呢期小肥羊 promote 緊呢個清涼鍋套餐 (RMB 88)~
套餐包括 : 清涼鍋底, 羊肋腹肉一碟 + 6 月齢羔羊肉一碟 + 蔬菜 3 款, 仲有雪碧任飲, 都係 RMB 88, 我地見幾抵, 就叫呢個餐 lor~ 另外再加多碟特級肥牛 (RMB 48) ~
鬆弛熊响度研究呢個 “清涼火鍋” 係乜東東??? 食落真係幾清涼架喎!!
响等緊上菜既時候, 八卦既二等兵左望右望, 見到鬆弛熊想寄信俾小肥羊~~~
其實係填完呢個所謂既問卷就有精美禮品送, 呢 d 無聊既玩意最啱無聊既二等兵喇 !!! ![]()
話咁快 d 野食就黎 lu~
呢碟係羊肋腹肉~
呢碟係 6 月齢羔羊肉~ 肥左 d d~
呢碟係另外叫既特級肥牛, 唔錯~
坐左半個鐘左右之嘛, 已經差唔多 full 晒喇 !!! 好似早 d 入黎咋, 唔係要等位 !!
![]()
蔬菜可以任揀 3 款, 我地揀左黄芽白, 通菜 & 生菜~ 唔好以為揀 3 款 = 有 3 碟, 其實份量加埋係散叫既一碟~
三碟裡面最好食既係羊肋腹肉, 好滑又唔多肥羔, 而羔羊肉一如其名, 真係好多羔~
肥牛都唔錯, 幾好味 ~
約 1hr 後………
隊長已差不多清晒枱面既野, 佢梗係仲未夠飽, 我地又再加單~ ![]()
叫左碟羊腿肉 (RMB 33), 羊腿梗係因為行得路多, 所以靭左 d, 二等兵一來已大半飽, 二來唔敢再食咁多肉, 三來因為覺得靭左 d (呢個先係 main point !! kakaka), 所以呢碟俾隊長 KO 晒!!!
仲有叫多碟生菜 (RMB 8, 抵 !!), 二等兵食左好多~
隊長你做乜 “喱” 埋响碟生菜後面呀???
仲有加多個烤羊肉串 (RMB 3 / 串) , 一串辣一串唔辣~
點知原來辣果串係麻辣, 隊長辣到麻晒, 哈哈哈…. ![]()
食到飽晒都只係 RMB 183 / 2人, 抵 !!! ![]()
食完一身 “酥” ~ 呵呵~
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
