雷門鐵板燒放題 @ 旺角

由軍曹基地於 2010-12-11 00:00:00 發表 | 累積瀏覽 431

分類：

今日又放縱下自己先, 呵呵 ~ 餓左成個星期喇 ~~

呢間放題係新開既, 趁新開仲 keep 到水準就黎試下啦 ~ 地點其實係以前大巴黎果個位, 而家轉左做呢間放題 ~

我地睇下收費先 ~

由於 19:30 pm 前離座有 8 折, 於是我地揀左 17:30 pm 開餐 ~

飲品同甜品係呢幾樣 ~ 都係任飲任食 ~

食物紙有 A, B, C 三款 ~

略嫌刺身少款揀囉, 其他食物都幾大路 ~

book 位時問可唔可以坐卡位, 佢話無問題, 但入座時佢無俾卡位吖, 後來再問有無卡位坐先俾 ~

一路對住靚仔一路食 ~

隊長 : “你成日都對住個靚仔架啦 !!”

左手邊係師傅煮鐵板燒, 右邊係刺身部 ~

先黎兩杯飲品 - 橙汁 & 7-up ~

味噌煮大腸 - d 大腸好好肉地 XD ~

梗係黎個我至愛既刺身啦 ~

款式唔多, 點左 - 三文魚, 甜蝦, 鱆紅 & 馬刀貝 ~

鱆紅勁多魚鱗, 叫左一次就無再叫喇 ….

鐵板蒜香牛柳粒 - 略為靭左 d, but OK 好味 ~

飯桶隊長一定要食吓飯架, 叫左呢幾款壽司 ~

蟹籽壽司, 芝麻八瓜魚壽司, 辣味螺肉壽司, 火炙吞拿魚壽司, 火炙三文魚腩壽司, 火炙長腳蟹棒壽司 ~

結論係, 紫菜唔得, 其他都幾好味 ~

吉列大蝦天婦羅 - 雖然係細隻 d, 但炸得幾好吖, 層粉唔會太厚 ~

鐵板香草羊扒 - 勁好味 !!

黎多轉刺身先 ~ 叫 10 件俾 5 件, 唔怕, 可以再繼續叫架嘛 !!!

d 甜蝦同三文魚都 OK 喎 ~

鐵板帆立貝 ~

串燒 - 左起 : 鹽燒牛脷, 鹽燒雞軟骨, 鹽燒雞腎, 鹽燒雞翼 ~

牛脷 - 勁好味, 雞軟骨 - 好味, 雞腎 - 太硬, 雞翼 - 一般都 OK ~

燒茄子 - 估唔到係咁燒法, 不過味道唔錯 ~

鐵板海蝦 - 都幾大隻架, 中間部份仲去埋殼, 加埋 d 白汁, 好味 !!!

蒜香雞軟骨 - 唔好睇個樣乾爭爭咁, 其實一 d 都唔乾, 仲好脆口, 好味 ~

正响度諗緊好唔好叫 “日式蟹皇翅” 既時候, 侍應無啦啦遞上黎, 哈哈 ~ 唔通心靈感應落 order ??

個翅真係好碗仔翅既味, 唯一既分別係有好多料, 仲有雞肉架 !!!

黎多杯百事可樂 (走冰) 先 ~

encore 既鐵板帆立貝, 每人 4 粒唔孤寒 ~

encore 既鐵板海蝦, 又係好好味呀 !!!

再 encore 既串燒 - 鹽燒雞翼, 鹽燒牛脷同鹽燒雞軟骨 ~

一開頭叫既鱆紅魚壽司, 火炙長腳蟹棒壽司, 火炙三文魚腩壽司, 一直都無黎, 本來都飽飽地所以無追單, 點知無啦啦又黎左 ~

又黎多轉魚生先, 都係呢兩款 (三文魚 & 甜蝦) 啦 ~ 因為實在無咩款可以揀, 好彩呢兩款都鍾意食吖 ~

飯桶隊長成晚既 target, 登登登登 …. 就係呢碗 “鐡板炒飯” 喇 !!!

殊不知 ……. 殊不知 ……….

d 飯係一粒粒硬架 !!! 係吞唔到果種, 無辦法下搵個侍應黎問問 ….

佢話都有客人反映過呢個問題, 唔止我地話硬, 佢話鐵板炒係咁 bor, 真係無話可說, 不過佢態度係十分之好, 所以我地都無駁佢, 佢亦建議我地試下廚房部既牛肉炒飯 ~ 如是者, 就成碗 “鐡板炒飯” 俾返佢 ~

於是就變左呢碗牛肉炒飯喇 ~

呢個飯就正常好多喇, 起碼叫做 “飯” 唔係叫做 “米” 吖 ~

同埋都炒得幾好味 ~ 合格 !!

KO-ed !! 今次呢碗真係食晒 ~!!!

遲來的大蝦沙律, 好好味, 好鍾意食呢 d 沙律 ~

隊長見二等兵又 order 刺身, 佢已經話二等兵發狂喇 ….

第一轉 order 既軟殼蟹手卷, 遲到好過無到 ~ kaka … ~

不過塊紫菜仍然唔得吖 …

冷豆腐, 咩味都無 ~

錫紙牛油焗雜菌, 正吖, 因為充滿牛油味, hehe ~

哈哈, 又係刺身, 隊長已經頂二等兵唔順喇 ~

黎多串鹽燒牛脷 tim ~

臨尾記得有甜品, 梗係要試埋啦 ~

三款甜品 - 芒果布甸, 雪米糍 & 泡芙 ~

估唔到個芒果布甸似自家制果 d 咁好味, 亦估唔到個泡芙都好好味呀 !!!