又到打波既日子, 附近舖頭食黎食去都係果幾間, 都開始有 d 悶喇, 今日隊長話不如去食拉麵咯, 二等兵梗係無反對啦 !!! GO GO GO !!! ![]()
呢間拉麵店唔知係咪新開架呢 ?? 都幾乾淨企理 ~
都肚餓喇, 我地快 d 食野先 !!!
我地一人叫一個餐, 麵餐奉送指定前菜, 指定飲品及甜品 ~
呢個就係指定前菜喇 ~~ 螺肉 4 粒, 味道同食開果 d 無分別 !!!
呢個係店長推介既螃蟹棒拉麵 ($32), 湯底可選擇豬骨湯底, 蕃茄湯底同味噌湯底 !! 二等兵本來想攪下新意思, 試下蕃茄湯底, 不過始終對味噌湯情有獨鍾, 所以都係揀返味噌湯底算喇 ~~
麵唔夠淋, 不過唔係好嚴重, OK 接受到, 而湯底食得出係味粉湯底 ~ 不過好多食肆都係咁架啦, 而家好少舖頭真係 “淆” 湯底 ~
隊長叫了鐵板芥末醬西冷扒拉麵配豬骨湯底 ($32)
拉麵都係唔夠淋 ~
呢件西冷扒好正, 上枱時仲有 “啫啫” 聲, 配埋有芥末味既沙律醬, 正 ~
隊長叫了指定飲品既凍奶茶 (免加錢), 而二等兵叫了特飲熱珍珠奶茶, 跟餐 +$4 ~~
味道都 OK, 不過好奇怪, 熱飲係俾飲筒, 好彩杯野唔太熱, 所以用飲筒唔會淥親, 不過二等兵始終覺得熱飲係要好熱先好飲, 所以呢杯 ……. 一般 la !!!
隊長率先 KO 佢自己果碗拉麵….
之後 KO 埋二等兵果碗 !!!
仲有甜品吖, 係杏仁豆腐, 不過個樣就唔係咁靚 ~
感覺似人哋食淨, 但都算幾滑同幾好味 ~
Total : $68
服務好好, 味道不過不失, 若以呢個價錢來說算唔錯, 下次會再侵略 !!!
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
(已結業)尚湯 Taste Ramen
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)