終於等到小小考完試, 而我地又唔使交功課/測驗住!!! 今晚二等兵約左兩個傻婆….傻小小同埋傻曉曉出來食飯~~
我地想約既地點响荃灣, 葵方同青衣既食店實在食到厭, 而小小早排見到二等兵食完 Saizeriya 之後想去試下, 於是今晚我地揀左呢度 Girl Talk~
上次真係好彩, 一入到黎就有人 serve 我地, 但之後 Nicole 同佢男朋友黎過完全冇人做野, 而今次入到黎都係冇人帶位, 埋單亦等了一陣先有人來~ 原來上次真係好彩先有人 serve~ 不過以呢個價始來說, 我都唔要求咁多了~
我地 3 位(自稱) 美女, 梗係要幫襯下 d 健康餐先~~
一人一個健康餐, 即係沙律 + 湯 $18
今次叫呢個粟米忌廉湯, 好似冇上次既周打蜆湯咁好飲~ 但都 ok 的~
牛油焗田螺~ $20 呢個田螺真係幾好味~
小小點名叫的卡邦尼汁意粉~~~ 第一轉食就 very good, 但第二轉食果陣可能凍左, 有 d “杰杰地” ~ 不過 $25 有得食卡邦尼汁, 都 ok 啦, 其他餐廳有呢個汁通常都好貴既……
水牛芝士 pizza $28, size: 9” 都係第一轉 very good, 第二轉開始凍左冇咁好味~
曉曉點既漢堡扒 + 豚肉 $35, 漢堡扒 ok 喎~ 個豚肉都好味, 小小覺得時新既漢堡扒好味 d, 因為多 d 洋蔥味~ 都係架!! 但都唔錯丫~
食到尾, 底部有 d 油, 覺得油左 dd…..
食飽飽後傾陣偈, 冇人理我地, 幾好!! 埋單又唔使加一, 每人 $54, 超抵!!
但如果下次來的話, 我會將想食既食物分開叫, 因為佢上菜 d 野食一次黎晒, 分開叫咁就唔使驚 d 食物凍啦~
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
