難得二等兵星期六可以放假, 隊長同二等兵去郊遊 ~
之前已經想去下士多啤梨園, 今天終於落實喇 ~
由上水火車站搭 79K, 黎到李屋村站下車, 車程大約 30mins ~
呢度真係渺無人煙…….@@
我地上網做左資料搜集, 呢頭都有好幾間士多啤梨園, 全部免入場費, 只計摘幾多, 俾幾多 !!! 於是我地揀左最平既 “阿良士多啤梨園” ($45/磅, 事後發現原來係 $50/磅)
見到呢個路牌, 沿住箭咀方向行入去~
見到呢個垃圾站, 往左行 ~
沿途有狗狗, 驚既朋友只要大家好似二等兵咁扮鎮定, 隻狗狗就唔會搞你既 !!!
其實呢度有幾個士多啤梨園架, 呢個係標榜有機蔬果, 網上寫每磅士多啤梨 $60
見到信箱表示就快到~
再見到能記士多, 到喇 !!
近入口處有幾塊菜田, 唔摘得, hehe ~
入到去, 老闆就俾 d 籃同鉸剪既工具 ~
影相怪又出場 !!!
鬆弛熊 : “咦, 點解同我故鄉 (日本) 果 d 差咁遠既 ?? 我故鄉果 d 好大粒架 !!”
其實都唔係好細粒, 仲幾紅 tim 架~, OK 啦, 本地生產, 算係唔錯了 ~
有花 tim ga, 有 d 就未夠熟, 青 bb~
等我揀 d 紅 d 既先~, 仲要大粒 d, kakaka ~
喂, 細路, 生菜唔摘得架 !!!
隊長你又哩0係度做咩呀 ?? 保護色呀 ??
又走去影下相先~
哈哈, 玩左一輪呢 d 就係我地既收成品 ~
呢度盛惠 $60
尋日打去問都話 $45/磅, 呢個時候變左 $50/磅, 不過出黎玩都諗住開心下, 所以算啦, 無謂掃興~
但係事後過左大約 10 mins 拎出黎食既時候, 接近大半已經爛爛地, 唔知點解新鮮摘都唔擺得 ?? 有無高人可以指點下 ??
不過都係志在玩既過程 ~
下次試吓有機嗰個士多啤梨園先 !!
阿良士多啤梨園 :
http://www.yl.hk/als/index.htm
有機士多啤梨園 :
http://yl.hk/sbg/index.html
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
