大家食過最幸福既味道係乜野呢??
媽媽煮既飯?愛人煮既?自己煮既?
其實煮既人有用心去煮,食既人一定感受到幸福呢..
星期日,一家三口出城
去左旺角行金魚街同花墟
帶悠悠出去睇吓魚魚,去紅蘿蔔睇下小動物
仲有聞下佢第一次聞到既臭豆腐...
佢猛咁嗌好臭呀..笑死我..哈哈
跟住再去花墟買香草
買左一盤Basil,一盤百里香,
但行晒成個花墟都搵唔到Rosemary
超失望...我用得就多就係Rosemary呀...
返到屋企成5點幾,成個人散晒...
講真..我地依啲要搭成個鐘頭車出城
仲要拖住個細既...真係行半日都散晒架
返到屋企就整理好天台既植物
老公就幫手下廚啦...
老公煮野都好用心既..好多idea既
今日我地係日式晚餐
有豚肉生薑燒便當
仲有我超愛既梅子飯團
拌菜有冰豆腐同蒜青瓜
仲要有埋麵豉湯
食到我攬住個肚仔...
依到晚餐都未落格...
個頭又尼甜品
係超級超級滑嘟嘟既燉蛋
真係好滑好滑,甜度又岩岩好...
值得比十個叻!!!
老公用心制作既愛心晚餐
真係充滿幸福既味道呢!!!
唔錯
