前兩日去左順德吃喝玩樂加揼骨，原本三個鐘既車程，由於中途有架大貨車車上貨品散晒咁跌左响路上，搞到大塞車，結果成四個鐘先番到黎。
番到香港，急不及待上網睇吓有咩新資訊，一上 facebook 好多人話 ‘搶鹽’，但冇講內容，真係睇到頭都大埋。番到屋企，媽咪就話，今日去超市買廁紙，見啲鹽，豉油，連雞粉同蠔油都比人搶晒，好誇張。呢個世界啲人真係鍾意危言聳聽，有人話鹽可以防輻射，又有人話遲啲啲鹽會受污染。啲衰人又鐘意揾埋呢啲災難財，超乞人憎。搞到啲公公婆婆見人搶佢又搶，幾蚊包鹽變左比多十賠錢先買倒.... 離晒譜。
但好鍾意 ‘盲搶鹽’ 呢個名，食字食得好正 ～
============================================
感謝 dorstalk 提供以上資料
dorstalk的網誌: http://dorstalk.blogspot.hk/
============================================
