本著大無畏精神，到稻香食超抵食的皇席宴

話說早幾日系龍媽媽的奶奶生日，原本想在家裡煮大餐慶祝，但龍媽媽要返工，
而又唔想龍爸爸煮得太辛苦，於是提議不如出去食，
其實早幾年和奶奶慶祝真系咩都食過，自助餐、越南、泰國、日本都唔咁她心水，
唔系覺得太貴就覺得唔好食，所以還原基本步，都系帶她去食中菜最安全，
不過要乎合她又平又抵的精神，龍媽媽只想到稻香的皇席宴，
因為真系太抵食啦！所以就算早前報道過它的食物有米奇出沒，
龍媽媽們都本著大無畏精神再次試，其實講真好多食店都唔衛生，
只不過我們睇唔到，所以家裡煮的永遠最安全！

好！等龍媽媽講返今次的皇席宴先！價錢無變，不過菜單唔同了，
它好似每兩個月變一次！今次同樣有八個菜，不過無壽包！




先來的有乳豬拼盤，之前有半隻乳豬的，我們都系鐘意食乳豬多D！
今次個乳豬都整得幾脆，不過因為之後有成隻雞，個拼盤又有雞，好似唔系幾好！
燒鴨好瘦，無咩肉，而叉燒就一般般！



再來的系沙薑海生蝦！個菜炒得好香口，好入味，份量都ok！
唯一唔好的系蝦太細隻，個圖D蝦好大隻的，如果D蝦大隻D就好啦！
不過味道唔錯！



再來的試系碧綠爽脆雪花蚌，呢個菜真系好好味！
一來個份量足，都有幾多蚌肉，二來炒得好香口，有翠肉瓜，菇菇、齋等，
味道香濃，好脆好爽，唔錯，想再叫一碟！



蜂巢蠔皇卷-無咩特別，蠔味無咩，勝在夠熱，幾香口！

竹笙雞絲珍珠翅-翅當然系細細條的啦！不過勝在有竹笙和雞絲，都幾有口感，唔錯！




半席無大海斑，只有小海斑，今晚條魚相比之前食過的真系太細了，只有分得幾口，
而且無咩特別！




金錢扣飽螺片，冬菇好大隻，好厚身，又滑又入味！
成碟菜最好的地方系唔鹹，因為有很多酒樓會整到好鹹！



再來雞一隻，之前稻香出1蚊1隻雞，龍媽媽見有人一人叫一隻雞，
龍媽媽都唔明點解它們可以一人食曬一隻雞，我們一家五口都食唔曬！



飄香荷葉飯，飯好軟，有著淡淡的荷葉香口，唔錯！



棗蓉糕，幾特別，第一次試，很彈牙！唔太甜，都ok！

生果系蘋果，我鐘意食果盤多D，呢D通常打包回家吧！



今次的蛋糕！
其實呢個半席菜真系唔錯，份量足，坐得都ok舒服，仲包加一、茶錢等，仲有汽水3罐和啤酒一支送，
蛋糕去仲唔收切餅費，雖然個餐用料越來越差，無壽飽、果盤等，
不過在全部野加價的情況下，要求真系唔好咁高，最重要奶奶食得開心！



差唔多踏入九個月的龍哈仔越來越洩，手舞足蹈，想搞桌上的食品，越來越難搞！



仲表情多多添！
最近龍媽媽part-time比較忙，過埋今個星期，應該有多D時間和大家分享，等我呀！