家居得意物之分享(1)-細小的環保抽濕器

自從結了婚，生了龍哈仔之後，龍媽媽除了要學點湊仔之外，仲要學點樣打掃和整理屋企！
原來家庭主婦真系唔易做！假如家庭主婦系大學的其中一學科，相信會系最難的一課，
買菜、煮飯、湊仔、打掃、執屋，真系樣樣都有排學，
遇上家裡個導師(即系奶奶)寬松的仲好，最可憐的系龍媽媽遇上個要求嚴格的導師！
唉！有時間龍媽媽會打幾篇Blog和大家分享與奶奶相處的生活，題目都想好，叫廣東新抱VS福建奶奶的辛酸史，
聽到個名龍媽媽有排呻，不過等龍媽媽有多D時間先，因為龍媽媽想將它變成長文咁打！

好啦！講下講下又講了第二樣添，其實系咁的，話說龍媽媽早前參加facebook遊戲中了一個環保抽濕盒，
龍媽媽見幾得意，所以又想同大家分享下，
另外龍媽媽仲團購了幾樣得意的家居產品，所以開了個新欄目，
和大家分享下，無謂日日只系講湊仔經咁悶！

好啦！入正題啦！講返呢個抽濕器先！早前春天潮濕，成個衣櫃好似水塘咁，
搞到D衫又臭，又有黑點！其實龍媽媽家裡已經有個大型的抽濕機，
不過無可能在家裡日開夜開的，所以衣櫃裡會放D抽濕珠！

抽濕珠唔系唔好，雖然價錢平，不過唔系咁環保！

而龍媽媽新拿返來的Smartech的"ECO-DRY”環保抽濕盒，
龍媽媽就覺得特別啦！可以再用的抽濕盒？龍媽媽真系第一次見！
等龍媽媽介紹下點用先，其實它的用法好簡單！
在盒內有D抽濕珠，如果抽濕珠系乾的話，顯示圖會顯示藍色，
當抽濕盒抽濕後，它的顯示圖會變的粉紅色，
當抽濕珠變濕後，大家可以用抽濕盒充電，
它就會自動將盒內的抽濕珠烘乾，之後抽濕盒又回復可以抽濕的狀態！

龍媽媽覺得呢個發明都幾特意和特別！
盒仔細細，掛在櫃內都幾方便和慳位，因為平時的抽濕盒好大過，
雖然賣百幾器一個，不過少數怕長計，用多幾次都慳返來，
最重要的系環保，龍媽媽知道平時街賣的一次性抽濕盒內的物質對環境很有害的，
所以如果用呢個可以為環境一分力的話，都唔錯呀！

下一次家居得意物之分享，龍媽媽將會施展慳位大法，點樣將衣物由大變細？
點樣唔再給人話爆衣櫃，留意龍媽媽的分享吧！

如果大家想知多D上面的抽濕盒的話可以到下面網址
http://www.smartech-intl.com/index_topic.php?did=57&didpath=/20/21/25/35/57