![]()
話說上次龍媽媽去馬來西亞旅行的時候，就曾經因為個行李箱太重而頭痛，仲記得上次大馬之旅，龍媽媽只帶了幾件夏天衫，上機時過磅時個行李箱已經重達10kg，雖然之前個行李箱又大又堅固，不過實在太重了，上上落落真系好唔方便！幸好，龍媽媽系去大馬，敗家的的情度相對較低，如果去韓國或者日本等地，龍媽媽實會超重回來！所以經過上次經歷後，龍媽媽發現去旅行就重要的準備系帶一個又輕又堅固的行李箱！
最近龍媽媽就深深愛上在香港新冒起的法國行李箱品牌Delsey 推出的 Helium 系列的行李箱！慳家的龍媽媽起初都唔明白點解一個千幾、二千幾的行李箱點解仲會有咁多人買？但自從龍媽媽最近去澳門時用過Delsey新推出的Helium系列的行李箱後，先明白它貴得來真系有它的價值！
見到上面個圖就知道龍媽媽又去了澳門的威尼斯人啦！由於龍媽媽的內地親戚到了澳門，龍媽媽想託他們帶點東西給內地的婆婆，所以就順便到澳門一天遊了！
雖然行李箱系滿滿的，但拿上手依依系好輕巧，真系大愛！而家就等龍媽媽講下龍媽媽愛上Helium 行李箱的原因啦！
愛上Delsey Helium系列行李箱的原因
![]()
超級無極的輕巧、輕便
在龍媽媽未用Helium行李箱之前，龍媽媽從未用過和試過咁輕的行李箱，它到底 有幾輕？龍媽媽一手就可以拿起呢個21 吋的行李箱，感覺就好似拿住個購物袋咁輕，你可能覺得龍媽媽好誇張，但說實話真系好輕！唔信的話大家可到門市拿上手試一試！ 21 吋的行李箱系2.3kg 、25 吋的行李箱就系2.9kg、而而30吋的只系3.9kg！龍媽媽上次到大馬，拿了個29吋的行李箱都差唔多要8、9kg，所以它差唔多輕平時普通的行李箱一半！
起初龍媽媽都會覺得個行李箱咁輕，應該唔會好耐用，不過再細心一看，它的外殼造得雖然輕巧，但質地好堅固，防撞防破防爆方面做得唔錯，絕對唔會用一、兩次就破！
而21吋的行李箱雖然較細，但就可以慳返好多寄倉和等行李的時間，一個人去旅行用21吋剛剛好，個行李箱輕D，放在飛機上都易D！
![]()
慳位、間隔好
平時用開的行李箱由於外殼較厚，變相內裡的空間變得較少，無咁實用，但Helium行李箱的外殼設計就很薄和超輕盈，所以內在空間比一般的大和實用！龍媽媽最愛它的間隔，有幾個拉縺袋和位可以放雜物同好好分配雜物的擺放！
![]()
外形討好、時尚之選
Helium行李箱外形是流綫型的硬皮耐撞設計，顏色有黑色、銀灰色、藍色、青色及牡丹紅色！龍媽媽的系牡丹紅色，顏色好靚，好鮮艷！帶出街夠曬搶眼，一眼就可以認出！
總括而言，無論輕盈、外形、設計等方面都十分好，惟獨價錢方面有點貴，不過一分錢一分貸，與其帶個用了一次就破的行李箱又或者重到死死下又唔方便的行李箱，例不如落D本買一個又輕又用行李箱，用多幾次，超重運費都慳返來啦！
