星期日，天清氣朗，喜歡野外活動的我們，決定帶個仔去試下行山。其實郊外佢去過幾次，不過都係行個圈，輕輕鬆鬆的。今次準備一條對小朋友來說有點挑戰性的路程，不過結果係發現，小朋友係你估佢唔到的，全部自己行，順利扺達終點。
今次的路段係衛奕信徑第三段的其中一部份，當中上高落低不多，而且風景怡人，途中還可以去二戰時期英軍下的防衛堡壘，不過今次係第一次郊遊，所以無去到，下次再去時補返個遊記。
全程：約1.5小時(視乎逗留時間)
難度：1星(以成人計算)
地圖：由GOOGLE提供，做個預算好，不可作準。
開始時車到油塘站，跟著路牌向將軍澳墳場方向進發就可以。而第一個挑戰就係長命斜，其實難道就唔大，慢慢行就可以上到馬路與衛奕信徑的路交位置，就可以開始前進往炮台山啦！
長命斜
天氣好到不得了，完全遠望鯉魚門及港島美景。
開始轉入衛奕信徑無耐，就會見到呢個路標，右轉係可以係另一個炮台的，不過我地無去到。
上到路交位置，係時候休息下。我地今次無選擇上山頂，只係由衛奕信徑繼續前進。
衛奕信徑指示牌，全程就係剛才的一段路係最辛苦，之後的都係落斜同平路。
中程路程風光明媚，眺望香港東面海峽。只要你跟著衛奕信徑一直前行，好快你會到達景嶺路，一條入將軍澳但係又唔俾市民用的路。係出返去馬路前再休息一下，要試下坐水管。
過左馬路之後，繼續跟住衛徑牌行，就會有個亭，可以係那兒休息。
亭附近有一大片的晨運園地，應該係有晨運客開出來，再由政府加一D設施。
係呢到有三條路，一條係你來的，一條係上山繼續衛交信徑的，找去調景嶺的一條，落山的。我在這兒忘了影相。
之後一路落山落山，好多楆梯之後，我地終於完成第一次行山，下次再挑戰上山頂！
帶小朋友遠足請留意：
-
他們的身體情況，如發現不適，請立即找安全地方休息
-
路線適應輕鬆為主，上落不宜太多
-
請帶備足夠水飲用
-
必定要帶備零食，零食在他們累的時候可以發揮你想像不到的用途
============================================
感謝 SiuB_Fan 提供以上資料
SiuB_Fan的網誌: http://siutimfamily.blogspot.hk/
============================================
