香港單車館及公園 (公園篇)

話說上回提到於2014年落成的香港單車館，亦介簡介了單車館的設施，介紹了適合帶小朋友去玩的兒童遊戲室。有興趣了解單車館及兒童遊戲室的朋友可以按這連結。
香港單車館及公園 (兒童遊戲室篇)

今次我們會再介紹香港單車館另一個重要的部份，亦係我個人認為最重要的部份，因為內裏的設施全部都係唔駛錢的，行入去就可以享用。而這部份就係「香港單車館公園」。

「香港單車館公園」係極新的，因為佢係四月三十日才正式對外開放，則係話係我寫這篇文章的時候，佢只係第三日開放。所以裏面所有設施都極新，新到有一D係未整好的。你無睇錯，係未整好，不過係佢開放的第一日，我立即同小朋友去試玩一下新公園，等我地帶大家去先睹為快啦！

溫馨提示俾大家，可能因為新開放，所以公園係有蚊叮蟲咬的機會。大家吃住做好防蚊叮蟲咬的預防措施，才好享用公園的設施及環境。
又係俾個地圖大家睇下先：
公園那為兩部份，圖中所見中央草坪周邊係廿四小時開放的，而兒童遊樂設施亦係呢部份內。上面紅線後的部份，則開放至晚上十點，大家要留意一下。係有限開放時間的設施內，有一個好大的極限運動場地，而且仲係有看台的，不難想像將來這兒會有比賽舉行，當日所見全部青年人都係踩板的。有一個小型攀石設施、有一個小型表演場地、一條緩跑徑，以及一個俾人玩遙控船的水池。


等我地帶大家睇下啦！
 你只要穿過單車館，就可以到達公園入口。不過其實係坑口以及寶康路方向都有入口的。
單車館方向的入口。而一入內左手面係兒童遊樂設施，正面望到的就係中央草坪。
不過唔好意思，中央草坪係未對外開放的。依我所見，有一些地方連草都未有，或者係掘開左地下，我估計仍要半個至一個月才可以開放。不過我相信開放後這兒星期日會成為一個極多人的聚腳點，可以同孩子踩波、野餐、玩遊戲等等。


小朋友等緊呢個縲旋轉轉轉極受小朋友歡迎，要排隊玩的。但係記住，公園係得十幾人係到玩緊。


兒童遊樂設施，因為係新公園的關係，設施都較新淨(廢話)。有一D設施係未係區內公園見過的，但以種類來講，就及唔上區內的寶康公園或者彩虹的坪石公園。

設施旁邊有洗手盆及飲水機，而整個公園入亦有多組類似的設備，這方面較其他公園為優。

係限時開放區域當中會見到甚麼呢？
 一個運動攀登練習牆。不過據我地當日試玩所得，有一D把手竟然係未安裝好的，仍然可以轉來轉去，或者用力時有機會轉動。最過份的係安裝把手時，工人竟然連包裝的膠袋一齊安裝，所以係把手同牆中間係有塊破爛的膠紙的。呢D情況對於一個攀登設施來講十分危險，亦影響到玩耍時的趣味，所以我當日已經向有關管理員反映情況，希望他們成出改善。
 踩板場地，第一日已經好多人。不過我都開心有一個正式的場地予有興趣玩呢項運動的朋友練習，當日所見好多青年人係到練習技術，而唔係hea的。
 放船仔的水池，不過當日玩船仔的先生話個池太細，其實玩唔到乜野。我估小朋友玩的應該無問題，因為唔會好似專業玩家的船咁快速。
一個應該係俾人坐的設施。

 仍未攪掂的草地，暫時仲係封住唔俾入。
夜晚著燈後係好靚的，希望可以盡快攪掂，夜晚去行下散步。

整體來講，公園仍有一些部份未完工的，或者未如理想的運作中，例如有一D地方或設施甚至連地下的膠水漬仍未清理。希望過一段時間之後，可以慢慢的改善好，提供一個美麗的環境俾社區人仕享用。整個公園內據報種了1200棵樹林，希望將來可以為區內提供一個優美的綠化環境，亦等兒童或家庭有一個優良的地方享受假期。

今次係第一次試玩，匆匆忙忙下攞住手機就影左幾張相，等整個公園真係開放所有設施後，我再影一D靚D的相報告俾大家知道這個公園有乜好玩。

而公園真係太新啦，我仲未係政府網站搵到有關公園的介紹，所以亦係遲點補上UPDATE。


交通資訊：
如果你想自駕，場館係有停車場的，入口係寶康路，你可以泊係單車公園或者將軍澳運動場。

而我相信大部份人都係用公共交通，而最簡單其實就係由地鐵站行過來單車館，而最近的站那別為坑口及將軍澳站，我覺得步行距離差不多。

港鐵
坑口站B出口
將軍澳站A出口

坑口站步行方法：



將軍澳站步行方法：

============================================

感謝 SiuB_Fan 提供以上資料

SiuB_Fan的網誌: http://siutimfamily.blogspot.hk/

============================================