墾丁的海生館其實真係一間好值得去的海洋博物館,裡面物種多,而且入場費又唔貴。今次我地選擇左一個較特別的活動,就係「夜宿海生館」係裡面過夜。可以過夜的地區有幾個,海底隧道、台灣水域館、極地館同海豹區。其實極地區就應該係最開心既,阿B可以同企鵝一齊訓覺,但係諗起極低的溫度,冷病阿B的可能,我地最選左海底隧道,訓係到睇住D魚係頭頂訓覺都幾得意。
呢一個都係同小朋友去長期旅行要注意的地方,就係好擔心佢係中途病左。雖則話台灣都好文明,但係病左始終係令人擔心。所以我地都盡量避免佢凍親或者太累,怕會整病佢。
入到海生館的大水池,夏天呢度係小朋友要天堂,我見過有專登換泳衣玩水的小朋友,不過冬天就唔好啦…
影張相叫做留個念…
佢自我要求要合照的蛋,唔好問,我唔知點解…阿B戴住個頸繩就係入場証,每人有一個,基本上佢讓你係呢段時間可以任行海生館的。
入場後,佢會先有一個簡介會,講解下呢幾日的行程,飲食安排等,最緊要佢係會教埋你點安頓訓覺、摺被等。下面的係2013年行程,基本上同我參加的差不多,俾大家參考下,亦可以上佢網睇。手續方面非常簡單,上網睇下佢個時間表,你希望報的日子睇下仲有冇位,一般網上付款手續就OK了。有擔心既可以先電郵問一問,佢地都好樂意答覆。不過佢有基本人數,夠人就會成團。
夜宿海生館
2012年的活動中,仲有一個係潮間帶考察的,則係帶大家出去海生館外的海邊,睇下生物、珊瑚屍等,對小朋友來講係好得意的。我仲捉左一隻寄居蟹俾阿B睇。唯一美中不足係,我地個導遊少少流,好似唔係好熟咁,變左講唔係咁詳細。
大王魷魚的藝術品,阿B好開心咁跑呀跑…傳聞中佢晚上係會著燈的,不過我無睇到…
探索潮間帶,對一個兩歲幾小朋友來講,其實都好開心了。阿B好開心咁做佢執石仔的工作,而呢個又係教育的時候,我地詳細的講俾佢知,海邊的貝殼同石頭係唔可以帶走的,只可以睇。
其實天氣係十分好的,有陽光,不過勁大風…之後我地就返入海生館,導遊繼續講解下台灣水域館同珊瑚館的生物。
魚口逃生…
可以任摸的生物。呢度有個池都幾多種類的生物可以摸下,不過阿B就唔敢摸…
好靚的天。
珊瑚館的魚,較特別的係晚上時會再到珊瑚館,當館內熄晒燈,原來珊瑚同魚係會訓覺,唔同晒樣的。不過黑mama,之後再來無再影相,所以只能記係腦中,有興趣的可以自己問下我地。^^
日落了,無論睇幾多次,墾丁的日落都係咁靚。
其實日落係得我一個人睇的,因為大約六點,大家都去晒晚飯,我就自己一個人偷偷的出去影相。咁既環境唔影相真係極度浪費。
晚飯呢…自助形式既,唔夠可以再攞,攞到你飽為止。
味道呢…餓你唔死食飽你啦,自己睇,唔好問。
食完晚飯就係另一項主菜,夜探後場,會帶大家入海生館的內部,睇下佢養魚的地方,大魚缸的背後等。入到後場係無冷氣的,而且非常潮濕,咁覺怪怪的。
呢度就係台灣水域館大魚缸的上面了。如果跌左落去呢…
呢個時候大鯨鯊來了…
期間會有機會餵下珊瑚魚,玩下潛水員的服飾,同餵下水母等等。工作人員會細心咁講解下佢地的運作,日常營運方式。
水母食左紅色的浮游生物後,會有少少變色,可以用呢個方法觀察下水母進食。媽媽仲好勇敢的摸左水母一下。餵水母呢,就係用吸管吸浮游生物,再放落水,等水母「浮」過的時候自然會食左。而阿B就好努力咁又吸又餵,餵左三四支食物俾水母們。
呢個時候大約晚上8點,來到海洋DIY活動,其實係俾一D黏土大家,制作一個屬於自己的海洋生物。領取完黏土後,其實已經係自由時間,大家可以選擇先制作自己的制品,還是先去洗白白。基本上每一班參加者都會自己霸張枱,整下自己的制成品。我地選擇左整企鵝同小丑魚。
阿B好專心咁整,其實變左親子手工班…
奶咀又出動了,睡眠不足的症狀開始出現。
宵夜係一D好似馬蹄露的東西。味道唔錯。
沖涼的地方其實非常大的,而同亦設備完善,大家只要自己帶備你的梳洗用品,係可以沖一個好舒服的涼。而且有風筒,有好多鏡,基本上係人人有份,唔駛等的。係時候去海底隧道,大家分好邊個訓邊區後,就可以自己準備自己的床舖,搵個好位訓覺。而為左盡量唔影響魚兒的生活,佢係只開左少量的燈,而十一點就會熄晒所有燈,所以記住十一點前上床啊。
帶小朋友的就要留意,佢係有熱水供應的,不過要沖奶、換片等工作,其實都幾麻煩,所以要好好安排。我地就係攪到太夜,最後佢熄晒燈我地先返到去,黑mama攪到阿B好驚喊左一陣,要媽媽攬住訓。
望住魚兒係頭頂游游下,好快就訓著左了。
今日係悠活、墾丁、海生館十幾小時之旅又告一段落。好累…
點頂多五日呢…
============================================
感謝 SiuB_Fan 提供以上資料
SiuB_Fan的網誌: http://siutimfamily.blogspot.hk/
============================================