由今個月開始，小朋友變左逢星期三下午回學校上興趣班，原本是星期一上的，但可能星期日通常都玩得太累了，很多時候星期一午睡後都不願起床。所以我們把課堂轉到星期三下午，看看會否好一點。到放學時已經是下午六時多，平時我們會回家準備吃晚飯的。但由於今天媽媽約了人吃飯，祖父母又有事情不一起晚飯，所以爸爸就和小朋友決定兩個人去撐枱腳。而在晚飯前，我們去了附近的遊戲室玩一會。
學校在鑽石山，所以我們選擇去了就近的蒲崗村道體育館兒童遊戲室。這個遊戲室我們都是第一次來，所以一去到竟然發現佢係有晚休時間的！原來係17:45那一場之後係會關門的，直到19:00先再開放，我估這一小時係俾管理既工作人員食飯吧。最後我地去睇下人打壁球，行下體育館，終於等到七點。可能係食飯時間，人唔多，加埋大約都係十個人，不過就有一個特別之處，來這兒玩的小朋友好多都係自己來的，反而有家長帶既先係少數。
地方不大，根據康文署網頁，這遊戲室有130平方米。
整個地面都係軟的，你可以放心小朋友係到跑動。不過遊戲室內的物品不多，我感覺上可以玩的物品都比較偏用細個一點的小朋友使用。不過小朋友當然唔係咁諗啦，一開放佢就二話不說衝左入去跑跑跑了…
當中最大組的遊戲設施。不過係無小朋友玩的…
一堆應該係用來搖搖搖的軟質地木馬？
這個幾好玩，軟樓梯，小朋友爬上去之後仲可以跳去另一邊…
最特別的係有兩個城堡，小朋友好喜歡這兩間城堡，玩左好耐，最後我問他，你鍾意這遊戲室嗎？佢的答案竟然係鍾意這兩個城堡…
不過可能係配合公主的關係，全程有兩個女仔係城堡內傾計，間中先出來玩下。可能真係女性特別喜歡城堡，因為大家都希望自己成為公主。
適合較小的小孩子滑梯。
整體而言，這遊戲室較舊，設施亦不是太多。最重要的係地方唔大，小朋友跑的時候很容易撞到對方。而且體育館對遊戲室的管理亦不重視，雖然我未去過全香港的遊戲室，但大部份都有管理員看守，防止有人不守規則，或看管小朋友的安全。但這遊戲室係無管理員的，全天候無限制的玩，我玩左一節四十五分鐘，我估當中有一次來望左兩眼，亦無去管理當中小朋友在做甚麼，如何玩等。
當然，小朋友玩就一定有爭執、碰撞，教育他們，與他們一起調解係家長的工作，而唔係管理員的。不過有一些場地上的安全，管理就應該係場地管理上的責任。有一個安全的環境，先可以提供一個空間俾小朋友成長。而我遇到甚麼事？大家自己睇片。
基本上佢地踢左最少十五分鐘，無人干涉，亦無館方人員介入。當然，佢地根本唔知。場內有一兩歲的小朋友，亦有小學的，踢波是否對場內安全有影響？大家自行判斷。
在網上觀看其他家長的網誌，在2009年時遊戲室還有不同的玩具，例如木馬、車仔等等。我相信現在是損毀了，而政府亦沒有再添購新的玩具來補充。不過這亦係香港政府遊戲室的特點，物品係越玩越少的，因為壞左就唔會再添購，曾經最利害我見過石硤尾的遊戲室係只得四面牆，就因為所有設施都損毀了。究竟政府對小朋友發展的睇法係怎樣的呢？真係唔明白。
再加上交通的不便利，我應該唔會再來這個遊戲室。
開放時間
不過今日有一個小插曲，係令我十分開心的。話說當中有一個小學的哥哥一開始就追住小朋友，唔俾佢玩，阻住佢玩，阻住樓梯等。正當我諗緊點處理的時候，小朋友反而反客為主的向那位哥哥說：「不如我地一齊玩丫？」那一刻那哥哥立即無再阻住他，反而開始同佢傾計，一齊跑。那一刻我心中不禁覺得，原來阿仔已經開始懂得去處理這些事情，唔再係一味求助或避開大個的小朋友，反而會懂得去嘗試解決問題，開始大個仔了。
============================================
感謝 SiuB_Fan 提供以上資料
SiuB_Fan的網誌: http://siutimfamily.blogspot.hk/
============================================
蒲崗村道體育館
Kinder Path
大富翁夢想世界
美國冒險樂園 (太古店)
長洲體育館
「樂‧無窮」玩具圖書館
紛鬆 (馬鞍山店)
紛鬆 (堅尼地城店)