龍哈仔的第一個農曆新年

回想返上一年，
龍媽媽和龍爸爸仲未結婚，
過年仲可以有利是收，
咁快又一年，龍媽媽由收利是變成派利是，
派利是的感覺都唔錯，見到收的人開心樣，
都是一件幸福的事，
加上龍哈仔都收了唔少利是，
今年的農曆新年龍媽媽都有帶龍哈仔去維園行花市感受下新年氣氛！



不過維園年年賣的野都差唔多，唔是香港傳統食物，就是一D毛公仔，
一是就年花等等，
對唔龍媽媽來說真是無咩吸引力，
因為所賣的野都見慣見熟，
加上自從有了龍哈仔之後，
家裡的位置都給龍哈仔的物品佔用了，
就算見到特別的公仔都唔敢買，
所以最後都只是買了D雞仔餅和小食！

而家龍哈仔仲未識，所以唔會搞搞震，
不過下年就好難講，
所以依家他只是掛住食手指！

而龍哈仔家的團年飯都比較特別，
龍爸爸是福建人，所以團年飯和廣東人好唔同，
無廣東人的雞、蝦、髮菜，
但有粉絲、豬手等，
不過其實團年飯食咩都無所謂，
最重要是一家人齊齊整整食餐開心飯！

在呢度祝大家新年進步，
日日開心，
BB健健康康！！！