第一次親手整情人節大餐！

今年的情人節在農曆新年的年初四，
情人節對於龍爸爸和龍媽媽有更深的一層意義，
是因為龍媽媽和龍爸爸系在情人節第一次約會的，
所以龍媽媽和龍爸爸都好鐘意呢個節日，
情人節未來，龍媽媽和龍爸爸已經整情人節大餐了，
點解？
因為早前龍媽媽和龍爸爸參加了由ELLE和easy chef合辦的浪漫廚藝工作坊
在工作坊，龍媽媽和龍爸爸一齊學了點整鵝肝和意大利菜，
龍媽媽覺得好好玩和學到好多野，
依家就等龍媽媽和大家分享下今次的活動和菜式！

今次龍媽媽就去到中環的EASY CHEF學整情人節大餐，
今次主要學3款菜式， 
頭盤有：香煎法式鵝肝伴無花果果醬配紅酒
主菜是： 意式馬鈴薯丸子伴香草汁
甜品有：朱古力忌廉奶凍
由EASY CHEF的總廚 Joanne教授！

好！首先是香煎鵝肝，
以前龍媽媽都試過在屋企煎鵝肝，不過整得一D都唔好味，
又找唔到原因，
上完堂之後終於發現，原來鵝肝是唔使解凍的，
因為解凍之後會很容易溶，所以鵝肝在雪櫃拿出來直接煎就ok啦！
而原來煎鵝肝唔洗煎好耐，每面煎一分鐘就可以，
而且唔需要落油煎，因為煎的過程中已經有油份分解出來，
最後煎前可以將鵝肝每面沾少許粉，
而粉中可以加入鹽和胡椒調味！



而醬汁方面，由於鵝肝是屬於比較油膩的食物，
所以最好配上果汁，就可以中和返，
而今次就用了無花果和紅酒作鵝肝醬，
做法好簡單，切開無花果，再用剛剛煎鵝肝的油用來炒無花果，
最後加上紅酒，咁就可以做好今次的醬汁，
醬汁方面酸酸甜甜，配上鵝肝，一D都唔會好油膩，剛剛好，
口感好清新，好香甜，是唔錯的配搭！




而下一道菜是意式馬鈴薯丸子伴香草汁
意大利粉就成日食，但意式馬鈴薯就未食過啦！
所以今次的菜式好特別，而做法亦都唔難，
丸子口感十足，好彈牙，好爽！



好！其實整呢個馬鈴薯的材料好簡單，只需要麵粉，蛋和薯仔就可以！
最難的是點樣整到個麵團濕度適中！

整好的丸子的造型好特別！

而呢個菜的另一個重點是個醬汁，
龍媽媽覺得整麵最重要的是醬汁或者湯料，特別是意粉，
而今次的香草汁都好特別，
不過成本唔平，買現成的會比較方便和化算，不過顏色就無咁靚！
至於整法都唔太難，
首先是預備果仁，果仁都幾貴，因為用量唔少，
至於份量幾多？龍媽媽都唔是很清楚和記得，
因為上堂無給食譜給我們，
但份量唔少，
之後加入香草、棷欖油和芝士粉攪拌一起就可以，
整好汁就可以將丸子用水煮熟，再加埋汁撈埋一齊就可以，
做法都幾簡單，而且好飽肚！

最後是整朱古力忌廉奶凍，由於甜品主要由老師整，
而老師整得比較快和趕，所以龍媽媽都無記底，
但裝飾就自已整！

最後過了一個開心的晚上！
希望將來可以自已一手一腳整個情人節大餐！
雖然情人節未到，但在度預祝大家情人節快樂！