龍哈仔四個月啦！

其實龍哈仔已經4個幾月啦！
不過最近龍媽媽無咩時候打Blog！
第一，就快新年啦！要開始大掃除！
第二，龍媽媽要返工，雖然是part-time，
但所用的時間卻是龍媽媽上網、打blog的時間，
第三，龍哈仔病了，所以龍媽媽都無咩時間和心機打blog了！

龍媽媽照顧龍哈仔，真是照顧到有心無力，
點解？因為龍哈仔是一個濕疹好嚴重的BB，
眼看其它blogger的BB都青靚白淨，
龍哈仔的皮膚真系好差，差到龍媽媽見到好心痛，
仲好自責，整日覺得自已照顧龍哈仔唔好，
唉！大家唔好睇上面張相，上面龍哈仔的樣都唔系好差，
呢張是龍媽媽帶完龍哈仔去睇醫生，
食了一個星期抗生素，好返好多影的！

唉！自龍哈仔出生後，
龍媽媽因為濕疹呢個問題帶了龍哈仔去睇醫生已經有5-6次，
睇完醫生之後情況是有改善，
但之後又復發，又變差，有時差到皮膚不停出水，
真是睇見到心痛和可憐，
龍媽媽已經試過好多潤膚膏，
隻隻都無咩效果，
連金銀花沖涼都試過，但都是唔得，
搞到龍哈仔經常整捐個頭！

唉！昨晚仲發現他其中一隻耳仔出血水，
搞到龍媽媽和龍爸爸立即帶龍哈仔去睇急症，
原來是外耳膜發炎，而家要滴抗生素，
希望龍哈仔可以快D好返！

其實除了皮膚的問題，
龍哈仔其實方面都發展得好好，
1,食奶方面，食緊6安士，都會自動自覺食完，有時仲唔夠，想食多D，
體重和身高都keep到50%，
因為之前龍哈仔入過院，體重跌得好勁，所以而家追返50%，龍媽媽都好滿意！
而便便方便都ok，一日起碼一次，而顏色都幾靚，

2.行動方面，而家都坐到，但未坐得好穩，開始學習爬爬，
不過他想學行和站多過爬！
而家亦開始經常發出聲音，有少仲會唱歌添！
和3個月最大的分別是開始識認人，睇心情去給人抱，
心情好，唔熟的人都可以抱，
心情唔好，只可以給熟人抱，
而流口水的情況亦多了！多到給人話是口水佬！
除了流口水，仲鐘意和人傾計和發出怪聲！

唉！當做了父母之後先明白做爸爸媽媽的辛苦，
咩叫養兒一百長憂九十九，中了！
咩叫養兒方知父母恩，又中！
咩叫未大又驚養唔大，大了又驚他學壞，簡直全中！
呢D名言簡直世世代代都咁用！
希望所有BB健健康康！