慢性食物過敏健康講座

在龍哈仔未出世的時候，
龍媽媽已經好積極咁聽唔到的講座，
不過總是有種憑空想象的感覺，
相反龍哈仔出世後聽講座反而有種實在和深深體會的感覺出現，
其實產前的講座就有好多，但產後BB發展和健康等的講座就好少，
所以龍媽媽一有時間和講座就會立即報名，
因為就算龍哈仔出世四個幾月，
龍媽媽都是一個新的媽媽，
每個階段陪著龍哈仔一齊學一齊試！
而今次龍媽媽就參加了由荷花親子集團和LAAAF合辦的「慢性食物過敏」健康講座！
龍哈仔的皮膚一向好差，
龍媽媽都努力幫他找出有濕疹的原因，
所以今次聽呢個講座希望可以了解多D！



龍媽媽從今次的講座學到唔少，
亦希望和咁多位媽媽分享一下，
等大家了解多D！
首先今次的講座分為2部分，
一部分是由營養師講解，
另一部分由法國醫生用英文講(有同事做即場翻譯)！
今次講座主要是講小朋友的食物不耐症為主，
原來食物過敏亦有分急性和隱性，
急性的過敏就是數分鐘至2個小時就會產生的，
而其反應就是呼吸困難、氣管收窄、皮膚癢、腫、痛或出疹，
至於食物不耐症其實亦都是過敏，
不過就缺乏明顯及即時的症狀，過敏反應產生需要較長時間或者密集接觸某種食物，
食物不耐症會導致讓人困擾的小毛病，
例如頭痛、失眠、鼻塞、腸胃不適等。
其它負面的影響包括情緒或行為障礙、學習及發育問題等，
聽完有關講座，龍媽媽對食物不耐症有了很清晰的了解，
其實如果價錢平和合理的話，
龍媽媽都想讓龍哈仔去做一做個檢查，
因為講真而家小朋友真是有太多毛病了，
如果知道那些食物對他有影響和過敏，避了那些食物都是一個好方法，
但價錢真是有點貴，要八千到，就算講座有優惠都要7千，
加上要抽血(龍哈仔仲細，好難抽，要用腳板抽)，
所以龍媽媽都是要考慮下先！
另外醫生和營養師，亦教家長們要記底BB食過的食物，
有過敏情況出現亦可立即追查到！

最後聽完講座仲送了本雜志和雅培的親護恩美力給龍媽媽！
似乎荷花講座好鐘意送呢款奶粉！