10月尾帶o左豬仔包出街威威 ^^
就係一齊出席The Sweetcorn 開幕禮啊!
The Sweetcorn 係全港首間一站式嬰兒護理按摩服務中心 , 以最全面嬰兒護理服務及純天然個人護理產品為亮點，致力為媽媽及寶寶提供最佳的照料和享受
一上到位於銅鑼灣中心一期o既服務中心, 遠遠就見到佢o地為開幕禮而set o既波波decoration
好靚呀~~~~~
除o左decoration, 大會仲好細心為記者同blog媽們安排好多甜品同小食
仲有以The Sweetcorn icon公仔做o既cookies
細心之處唔單止係食物上, 原來佔地達2000呎的The Sweetcorn, 除了提供嬰兒按摩同售賣純天然個人護理產品, 仲設有育嬰間和兒童遊樂設施，歡迎公眾入內免費享用
即係話係銅鑼灣行行下街, 可以去The Sweetcorn 休息下, 換下片, 餵下奶同埋…….可以叫爸爸同小朋友係呢樹玩, 媽媽就去血拼下, 呵呵呵 ~
其實由芝士餅出世前都知道「按摩」對BB係好好O既
接受按摩的寶寶大部份能安然入睡，較少出現哭鬧或情緒不安的情況。生理上，有助促進淋巴循環，增強免疫力，亦可令寶寶感到愉快及放鬆。嬰兒按摩是一種恆之有效的親子和保健方法，每天只要用上10至15分鐘替寶寶按摩，就可以促進他們健康成長，增進親子交流~
不過我自己懶, 通常只係白白豬完搽body lotion 時來個極速按摩, 技巧亦唔正統
E家來The Sweetcorn, 就可以請教擁有國際認可的專業按摩師資格o既護理團隊指導指導呀!!!
首先大會MC先介紹The Sweetcorn 服務範圍同埋介紹由The Sweetcorn作為亞洲獨家代理, 於加拿大引入獲獎無數的有機天然護理產品Belly Buttons & Babies™
而Belly Buttons & Babies™ 的 創辦人Ms. Fran Loudas, 當日都專誠從加拿大到香港致歡迎詞
Belly Buttons & Babies™ 產品一律採用天然有機成份，以百分百植物提煉而成，不含石油副產品、人造色素、香料、防腐劑及對羥基苯甲酸酯(parabens) 。品牌理念是透過教育用家對護膚成分的認識，令大家明白護膚的真相，並共同建立品牌及產品。從懷孕到產後守護媽媽，並貼心呵護寶寶的嬌嫩肌膚。
之後就由The Sweetcorn創辦人鍾培基先生為大家致歡迎詞，並分享 The Sweetcorn 的發展方向和理念。
原來鍾培基先生自己都係爸爸, 由父母身份出發, 他認為只有祟尚自然，才能擁有恆久美麗的人生。皮膚是身體的最大器官，而護膚品的成分會因皮膚吸收而進入體內，若誤用含有毒原素的護理產品，便有機會進入身體，導致皮膚過敏，甚至引致經皮毒，長遠而言嚴重影響健康。故此，The Sweetcorn致力於全球搜羅崇尚優質天然成分的個人護理產品，並配合可循環再用的包裝，貫徹愛地球、愛環保的宗旨。
之後The Sweetcorn創辦人鍾先生及Belly Buttons & Babies™的創辦人Ms. Fran Loudas進行簡單而隆重的剪綵儀式。
一剪兩個星星氣球升o左上去, 好特別的剪綵儀式。
大會真的又細心又有心思, 請o左兩位小丑表演魔術加強歡樂氣氛, 仲係表演當中介紹TheSweetcorn的「媽B三寶」~
Mom & Baby Cream / 紅疹拜拜潤膚霜 (每支售價港幣199元 (250ml))
提升媽媽及寶寶皮膚的保濕度：此產品獲得著名 Parent Tested Parent Approved (PTPA)2009年度殊榮，以表揚產品卓越質素。Mom & Baby Cream嶄新保濕成分，能改善並增強媽媽及寶寶的皮膚柔軟度。有機乳木果能舒緩肌膚因環境帶來的壓力，甜杏仁油和金盞花則可防止肌膚發紅，加上淡香的薰衣草和甘菊精油，令肌膚減少刺激，有效地解決皮疹、濕疹等敏感性的皮膚煩惱。
Lavender & Chamomile Bubble Bath / 安睡寶寶泡泡浴 (每支售價港幣139元 (250ml))
全面滋潤寶寶嬌嫩的皮膚：The Baby Bubble Bath / 泡泡浴能溫和地全面清潔寶寶嬌嫩的皮膚，持久的泡泡浴蘊含糖衍生物及燕麥提取物，具舒緩作用，溫和地潤澤肌膚。而氣味清新、性質溫和的薰衣草及洋甘菊，尤如為寶寶吹奏安眠曲，浴後安憩入睡。此產品不用沖洗，我可以同芝士餅玩下泡泡浴啊！
Diaper Cream / Pat Pat爽爽護膚霜 (每支售價港幣209元 (250ml))
其無味配方榮獲得著名Parent Tested Parent Approved (PTPA)2009年度的殊榮，以表揚產品卓越質素，深受各家庭喜愛。Pat Pat爽爽護膚霜蘊含有機植物成分及天然油脂，金盞花能促進傷口癒合及舒緩尿疹所引起的紅腫及痕癢問題，有機乳木果更為至愛寶寶加強皮膚保護能力，令肌膚長期保持乾爽、柔軟和健康，絕對是媽媽的必然之選。
嘻嘻, 我仲係呢個環節中答中Mom & Baby Cream同Diaper Cream榮獲奬項而得到禮物啊~
原本Belly Buttons & Babies™產品種類多元化，有潔膚洗髮露、泡泡浴、按摩乳、潤膚露、防曬系列、驅蚊噴霧、潤唇膏及消毒潔手液等
為了迎合不同孩子的個性，大部份產品更有多款天然味道選擇，如有助安神酣睡的薰衣草味 (呢隻味我至like)、用後令人醒神抖擻的香橙及葡萄柚味、可喚起童年回憶的棉花糖味，以及適合冬季使用的薑檸氣味。
由於Model BB睡著o左, Baby Massage示範就安排唔到，不過多o左o既時間我就可以同其他blog 媽, 好似小小豬媽咪, Judy 媽同埋Matthew& Chloe媽一齊傾下計, 大談小朋友經, 好開心呢~
呵呵呵, 我又見到Chloe妹妹啦, 佢真的乖巧可愛~
我掛住周圍影同埋傾計, 自己都唔記得同豬仔包來個合照, 反而有幫小小豬媽咪同包仔影呀 ^^
今次真的多謝有關方面的邀請同安排, 除了答問題時拎o左禮物, 大會仲送了另外三件產品試用, 遲d有時間再寫下個用後感俾大家睇呀
大家去開銅鑼灣, 不況試下享用The Sweetcorn的免費育嬰間同兒童遊樂設施, 而且又可以順手睇下D產品…….e家新張期內，客人購物滿港幣750元，就可額外獲贈價值港幣150元的純天然個人護理產品。
更多資訊:
============================================
感謝 ggmamafamily 提供以上資料
ggmamafamily的網誌: http://gg-mamafamily.blogspot.hk/
============================================
