火坑爛面G

扔下書包年半既我, 思前想後

琴晚又跳番入火坑

決定修讀一個為期九個月既課程 (鳴~~ 又冇O左個Chanel袋啦 ~>_<~)

為出年11月既考試作準備

呢個試理應去年就要俾心機考好佢........但因為轉工...因為貪玩...因為乜乜物物....因為一句講晒懶, 所以 hea 到 e 家都未去考

雖然我知道考o左呢個試唔等於搵到份好工, 但係有佢的話點都好過冇 (正如我讀master一樣)

加上最近既裁員潮, 眼見做o左十幾二十年既人, 做事好合作好responsible都被人......

令我知道自我增值, 不斷提升自己既重要性

來緊的日子我要努力讀書, 要多d返學校自修室啦

如何面對再度坐監的日子呢..........

鬼叫我要靠份工過活咩........唯有頂硬上啦 ~

sigh -__-

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

後記:

呢期塊面真係衰到不得了, 係好衰好衰, 好爛好爛........

睇o左中醫一排都未有improvement啊, 下個月仲要做模dell嫁, 嗚嗚嗚~

上星期睇雜誌, 佢話我呢d可能係

壓力瘡

呢期既裁員潮的確令我好有壓力.........唔係怕e家, 而係好怕自己將來係間公司做o左十幾二十年之後俾人炒, 但屋企又有一兩個讀書-ing既細路要我養, 但到時人老珠黃, d skill sets 又out......好難搵工, 仲要供樓, 又要養狗............嘩, 愈諗愈恐怖啊 =.='

我知呢d貢長遠既樹唔應該多諗......而且亦都控制不來.......只不過.........sigh ~

唔通又要去睇皮膚科食成個月抗生素????????????

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================