馬卡龍@Flavors

2012.10.20 (星期六)

呢晚我放低o左芝士餅出了去玩喔

好耐好耐好耐冇出去學整餅了~~~~~~~

對上一次好似同茄媽一齊去整蛋糕送俾塵強 (應該都年幾前了)

之前見朋友同响fb見呢間Flavors整o既公仔馬卡龍好靚好可愛, 有幾位餓底成員都有興趣, 所以我們便打算去報堂啦..........但佢o地d堂好受歡迎, 一出post報名, 好快又會full, 所以後來我們夾埋茄媽3位同樹一齊去包堂...........






今次係期待已久的包堂啊!! 



.............可惜................

原先包堂話整3款公仔, 我們以為人人可以整3款, 點知原來係一人一款!  想要其他款就整完同其他朋友交換, oh no ~

我就揀了芝士餅認識的 (同媽媽喜歡的) 包包超人

另外, 至激氣係我們當晚碰上了一位hea導師  x  x

佢實在好冇heart好hea好趕收工貢, 佢o既performance完全唔值一個$360o既堂啊

[註: 我們後來知道有其他導師, 而其他朋友o既comments都唔係貢, 所以係我們黑仔囉 >< ]

我都上過其他整餅班, 雖然導師有時派果張食譜未必會即時仔細閱讀 (因為都係會著重睇示範), 但點都係一來到就派食譜, 會brief o下d份量or等我們可以drop o下notes (or 有o野係手)

點知呢位人兄一開波就demo, 但佢冇prepare示範果份, 反而拎o左我們其中一位來示範, 到我們問d粉大約幾多份量, 佢就話完o左有notes派

之後o即馬卡龍時又寸寸貢話只示範一次, 又冇提我們 (特別係melody o即o既小tips/技巧)

成日demo完就走o左出去, 任由我們自生自滅 (..............我記得之前係coup kitchen學, 個呀sir會個個行過去睇o下你o即成點)






原來我o即太厚又冇出聲.............end up 係焗完我自己發覺太高才知道








而學整Melody果幾位就更加冇任何溫馨提示而"奶"晒o野 (佢一路只講至難係整melody但又冇教人d tips如果整好d)

其實整包包超人已經係整呢隻公仔馬卡龍之中至容易的, 不過我覺得至難係畫公仔!!!!!

個包包超人似唔似就真係好睇畫功.............可惜我d arts一向差

結果.............

.........

...

我d包包超人全都成了山寨版






[註: 其實我知整馬卡龍難係仲有在於mix完會唔會搞得太多or太少, 呢點好難judge.......呢part都係要睇呀sir頭; 另外一點係爐溫, 可惜我們呢位呀sir一d都冇講.........所以後尾兩位焗o既朋友有d燶, 我返去再諗係應該果呀sir係keep住用我們焗完o既焗爐繼續焗有關 ]

雖然呢位呀sir好唔得, 但成個整餅過程我係開心的!

開心係因為一班朋友一路整一路有講有笑

而且過程中我可以暫時放低芝士餅同其他家事工作事同煩事, 好專心貢整d馬卡龍..............原來貢樣好relax好有減壓作用啊!!!!



當然呢d時間貢珍貴, 已為人母o既我就唔可以成日都擁有..............但好間唔中一劑的確好極~

返到屋企, 我家臭豬餅當然-ed

第二朝起身, 佢見到d包包超人馬卡龍佢居然同我講: 「媽咪整蛋糕, 媽咪整包包超人」(我老公之前有同佢講媽咪去o左整蛋糕)

但我聽到真的好sweet sweet 呢



雖然我們今次遇到位唔多好o既導師, 但我都好享受同其他餓底成員一齊的制作過程............期待來緊我們再搵別的堂一齊上, yeah!!!!!!

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================