稻香的皇席宴

今時今日物價高漲，
出去食飯越來越貴，
晚餐閒閒地都要5、6十蚊，
去酒樓食飯仲唔止，
無返百幾、二百都幾一個人都食唔到好野，
而我今次推介的中菜，
維起一百蚊一個人都唔洗，
仲已經包加一，真系好抵！
事源我媽媽生日，你知老一輩，鐘意食中菜，
所以就想到酒樓食，
於是一行六人都稻香食飯，
剛好可以試下呢個皇席宴，
今次的主題是金龍展翅！
D菜十足十擺酒，
最重要仲有壽包食添！


呢個餐一共有8個菜，仲有糯米飯和壽包，最重要免茶錢，仲唔洗加一，
仲有汽水和啤酒送，正！

從上圖睇雖然我們半席，但份量一D都唔會少，
等我逐一介紹下D菜式

先來的是乳豬，乳豬又香又脆，可以比得上擺酒的乳豬，好食！

呢味是醬爆甜海螺，
因為食到一半先記得影相，
大家放心，份量唔系咁少，
呢個炒得好香好爽，幾入味，讚！

第三道是雞絲珍珠翅，
呢味就麻麻地，我覺得有D腥，
不過咁的優錢食到翅都唔錯的，
同埋都幾大鍋，分了6碗後，仲可以分2碗！


呢道叫金蒜銀蘿太子貝，
又系食了一半先記得影，
一人一件，
呢個幾好味，蘿白好入味！

再來是照燒海鮮盞，
賣相和味道都一流，好入味！

之後是腐皮小丸泡時蔬，
呢個菜是所有菜最差的，
味道認真麻麻，不過未去到難食的地步！

因為我們是半圍，所以由原來的大海斑，改為小青斑，
呢條魚都幾好味，不過媽媽覺得它蒸得太老，
我就覺得可以接受！

最後一道菜是貴妃雞，
雖然是雪雞，不過總算做得又香又滑，可以接受！

最後仲有糯米飯，
加埋呢個飯一定唔會唔夠飽，
呢個飯炒得好香，但唔會太油，
我爸爸一口氣食了3碗！