萬聖節快樂

咁多位！萬聖節快樂！
好耐無講龍哈仔的情況
等我報告下龍哈仔的近況先！
龍哈仔已經51日大了，
開始越來精靈啦！
而家食緊5安士的奶，有時仲唔夠食添，
它主要是食人奶+奶粉，
龍媽媽唔系好夠人奶，
通常是先泵人奶出黎，唔夠再補奶粉
(因為龍哈仔入了院幾日，出院之後就唔肯埋身食啦！
不過唔緊要，泵出黎都有好處，因為咁就可以知道龍哈仔食了幾多，唔驚餓親佢)
依家主要都是四個鐘頭食一次，
而尿片方面龍哈都系用緊NB，
尿片我就無規定咩牌子，通常我會用曬屋企的sample，
然後邊隻有優惠就用邊隻，
我而家家裡有4包細碼的huggies和4包細碼pampers，
個人意見就是pampers的特級棉好用D，
不過尿片我真是唔緊要，因為我通常會在換片時幫龍哈仔塗防尿疹的藥膏，
只要唔會令龍哈仔petpet紅和漏便便出來，
我都無咩所謂。
而便便方面，
龍哈仔大約一日一次，或者兩日一次，
每次都幾多，而且又是淡黃和無硬塊，
我問過姑娘話2日一次都正常，
所以我都好放心，
但睡覺方面認真麻麻，
一日加埋都唔夠十二個鐘，
有時睡了半個鐘又醒，
唉，真是好煩，好在夜晚都可以一口起睡5-6個鐘，
咁我先可以休息下！
最後龍哈仔最唔鐘意就是沖涼，
每日我幫他沖涼都好像我虐待他咁，
哭到隔離左右都聽到，
搞到我幾唔好意思，
沖涼時，他真是有D似小魔鬼，而笑時，就是天使！