龍哈仔的催生之旅(上)

話說龍哈仔可能覺得我的肚實在大舒服了，
所以過了預產期仍然唔肯出來，
繼續停留在我個肚裡面，
直至我41w1d醫生安排了我入院催生，
我的32個小時的催生之旅正式開始！
話說當日要8:30入院，
我和龍爸爸一早起身都屋企樓下的大快活食番個早餐先，
因為唔知道入院後仲有無時間，機會和心機食野，
所以一定要食飽飽先，
之後我們大約8:00就去到東區，帶埋走佬袋準備入院了，

當時的心情好緊張，之後就去到7樓的產前病房，
一去到姑娘就會安排我轉衫，磅重和量血壓，
之後就安排我到自已的病床等醫生，
在病房住滿了很多媽媽，
我在病房認識了3個媽媽，
每個媽媽都有不同的問題，
有1個因為有糖尿病所以要在醫院打針，
我見她食D咩都要控制，例如飯只可以食少少，
又成日被姑娘話亂食野，糖尿高，唔識幫自已打針等，真系好可憐
而另外有1個媽媽過2日就到預產期，因為血壓高，
所以要入院，她肚裡的BB以經8磅幾，仲未有動靜，
所以她都好心急，因為BB太大好難生，
而另1個媽媽就已經住院好多日，但因為血壓過高，所以一直唔可以出院，
唉！睇到她們突然覺得自已好好彩啦，so far有了之後，順利過了一關又一關！

好！等我講返我自已的催生先，
話說醫生來到幫我在子宮塞藥，
塞藥都幾痛，
因為她要將藥塞到好入先有效和效果會好D，
之後我問醫生要塞幾多次，醫生話有D人1粒已經有反應，有D 2粒，
我心想仲要塞多次，唔好啦！
塞會藥之後2小時我都唔可以落床，要做胎兒心跳監測
塞完之後我都無咩反應，仲可以好輕鬆的睇雜志和其它媽媽傾計，
之後仲可以食午飯，
你睇龍爸爸準備了朱古力和朱古力奶給我，
聽講食朱古力會無咁痛和可以補充熱量！

食完午飯，我仲好輕鬆和風蘇同其他媽媽講，點解塞藥之後無反應，
點知講完的半個鐘之後，大約4點鐘，反應來了(應該是報應來了)
開始痛了，但系無規律的痛，之後的探病時間，我痛到一直叫龍爸爸幫我安摩條腰，
真系好痛，但又無規律，又無見紅，
只可以一直用呼吸法，
其他媽媽見到我都唔想敢同我傾計，
我一直痛，痛都連路都行唔到，但又要去廁所，真系好辛苦，
但一直都無紅，無穿水，簡直是度日如連，
直到大約十點，我真系頂唔順，
同姑娘講好痛，姑娘就教我用分娩球來減痛，
我心想唔系可以吸笑氣和打止痛針，
後來我先知道是入了產房先可以，
而家只有個球幫到我，
於是我就不停坐在球上，不停搖，不停搖，一步都唔敢行開，
我坐在個分娩球上足足7個鐘，
直至姑娘要我上床檢查，我先唔情願的離開，
成晚我都無晚，一直想要幾時先有有規律的陣痛或者穿羊水或者見紅，
我一萬個唔想再塞藥，再痛多日
(因為原來塞藥一日只可以藥一次，而且由醫生塞！)
就系咁我終於痛到第二日9:00醫生來了，
我的救星到了，
醫生再幫我檢查，睇下我子宮頸軟未，
我心想唔好再塞了，
點知醫生話ok，我終於可以入產房了！
於是我立即打給龍爸爸，叫他來醫院陪我入產房了..........