開心吃喝玩樂@雪亮聖誕迪士尼

話說我上星期六(2012.12.08) 咪去迪士尼食步飛o既 (按此)

事緣係收到迪士尼Marketing o既邀請, 請o左一班bloggers們一齊去慶祝X'mas

佢o地仲好好貢請了我們去Hollywood Hotel 食lunch buffet 

除了我之外仲有其餘的餓底媽媽們, 好開心啊...........o既可以去迪士尼, 又可以見見大家

之前我只係去Disneyland Hong Kong Hotel 食過幾次buffet, 返而呢間就未食過

而且甜甜仲告之我個lunch buffet 只係$208+10% (如有年卡仲有discount tim)

所以我就另外book 多3位俾6299同老公 (芝士餅就唔水$$啦).............貢之後大家就可以一齊入樂園玩~

Hollywood Hotel 同Disneyland Hong Kong Hotel 個feel好唔到 (一個係modern feel, 另一個係grand feel)

之但係, 永遠入去見到米老鼠, 唔單止小朋友, 連大人都好開心啊~

我淨係見到Cafe o既牆畫都已經興奮





個buffet食品比我想像中多, 而且味道亦都好唔錯呢!!







個三文魚生好新鮮, 而且甜品種類都幾多呢~













以呢個價錢我就覺very good!

之前我只去翠樂亭食buffet當然貪佢有迪士尼卡通人物一齊食啦 ~

原來Hollywood o既米奇廚師餐廳係某d日子都會有米奇出現嫁 (咩時間日子.............就係e家到年底o既dinner buffet時段啊!)

而呢日, 大會就安排了米奇來同我們影相, yeah!!!



可惜芝士餅個心雖然喜歡米奇, 但仍然未接受到貢大o既物體係眼前, 所以仲有d驚..............



除o左食, 仲有抽獎啊.............雖然我抽唔到, 但B媽抽到呢, 恭喜恭喜!



食下傾下d時間好快過, 之後大伙兒就坐shuttle入樂園

由於我o地自己揸車, 所以我們就多留Hollywood Hotel行多陣



原來Hollywood Hotel後面有個勁大草地, 仲有sir滑梯呢





好正啊, 芝士餅也玩得好開心!   下次可以再約朋友們/媽媽們下次食lunch / tea buffet 之後再來草地玩呀~









之後我們便入樂園了, yeah!!!!

係門口又見番豆豆baby, 芝士餅又去親一親



係門口同XA拍一個, 你睇芝士餅幾hyper ~~~~~



哈, 差不多次次入園o既時間就係巡遊~





樂園已經充滿聖誕氣氛啦!





上年x'mas 芝士餅都有入來迪士尼, 同今年x'mas 比, 大個o左好多啊~



唔知大家仲記唔記得開幕初期, 大家好熱切期待樂園o既開幕, 但 end up 大家又罵聲四起又話細又話物

不過我眼見呢幾年都不斷有擴建同改善 (可能又要同另一主題公園競爭啦)

樂園至今都加o左好幾個主題園區同遊戲, 好似今次我就帶6299去新開冇耐o既灰熊山谷行下

芝士餅已經nap nap 中



上次來玩全球獨有向後行o既過山車已經覺好正呢, 不過今次帶6299就冇玩...............下次想入夜玩應該更激呢!

由Toystory Land 行去灰熊山谷已經見到出年落成o既迷離莊園已經起到7788呢~



原來迷離莊園又係全球獨有o既主題園區啊.............唔知呢個鬼屋會唔會好激o既呢~

BTW, Toystory Land 都加建中, 唔知整d乜呢



好期待愈來愈多o既擴建啊, 起埋迷離莊園, 迪士尼首輪擴建就將樂園面積加大23%呢

行完灰熊山谷之後, 我們今次就同餅去泰山樹屋行過圈 (因為佢呢個同獅子王仲未去過)





由於我們夜晚有下場, 之後沿途影下相就趕出去, 好可惜睇唔到夜晚o既亮燈儀式呢

不得不讚迪士尼d staff, 我們係城堡影大合照, 個staff 好好心機用我們部相機影影影, 又不斷引芝士餅笑, so nice!!!



好想同薑餅人影相, 可惜太長龍而我們又趕時間呢................我仲好想同Mickey & Minnie 影啊, 佢o地o既節日look應該好令啊~



影唔到薑餅人都要同小鎮大街的姐姐影啦





過完X'mas, 好快又農曆年, 到時迪士尼又會轉新裝

遲d我又好想好想入樂園感受節日氣氛啊~

因為每次去迪士尼樂園, 我都會有一個好開心又奇妙的一日 (今次收貢多stickers仲唔奇妙 )

最後仲要多謝Marketing同事的邀請同紀念品, 芝士餅好like呢包o野, 日日係屋企都拎來玩又不斷叫禮物啊! 禮物啊!

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================