wakaka 終於可以入入戲院了, The One 呢間戲院我第一次來呢 (好out精呢)
呢套《誰調換了我的父親》係日本片
![誰調換了我的父親]()
故事講述精英分子野野宮良多（福山雅治 飾）相信，人必須靠自己的努力去爭取一切才算成功。他擁有完美學歷、令人羨慕事業、美滿家庭，更深信自己是社會上的勝利者。
然而，一通醫院的來電，卻對良多完美的人生，開了一個始料未及的玩笑…當年醫院弄錯，將他家的孩子跟另一家對調了。悉心栽培的6歲兒子慶多(二宮慶多 飾)，竟是別人的孩子。他與妻子決定拜訪齋木雄大(Lily Franky 飾)，親眼看看自己的親生子。
齋木疏晴(黃炫升 飾)頑皮、好動，如同脫韁野馬，個性和表現與自己精心養育的「乖仔」南轅北轍，這使良多的心情更為矛盾及複雜…
一夜之間，良多的人生出現了嚴峻的難題：他該執著於血緣，還是選擇一直陪在身邊多年的「兒子」呢？而已渡過的6年的家庭生活將如何處理﹖「愛」又該如何量度？是枝裕和導演再以日本家庭為題，展開成為父親的必修課。
套戲故事清楚簡單
睇完好似淡淡的
不過就帶來一個問題 ––– 就係叫我們深究「血緣」及「養育」的關係
戲中大家兒子調換o左, 6年之後係唔係就貢調換番就ok呢?!
「親娘不及養娘大」呢句說話又係我腦海出現………
因為做o左人呀媽後就會知道, 「生」小朋友都唔叫辛苦, 如何「教」好自己的孩子才更難, 更具挑戰
小朋友係好係壞, 係人係鬼都好靠父母呢!!
戲中福山雅治就好似e家好多中產父親貢為優質生活而終日埋首工作, 忽略妻兒, 同埋好怪獸貢train個仔做人中龍
相反另外一位父親Lily Franky只是鄉下一間細細o既雜貨店東主, 但佢o地一家五口不拘小節，生活愉快
呢點又令我反省身為父母, 特別佢o地細個o既時候, 真的要多陪他們, 多d親子, 呢d快樂o既時光一去不復還呢~
到佢o地大晒有自己o既生活, 我們變老鬼時, 想去追他們都冇力啊!
而且我深信, e家多跟小朋友親子, 小朋友一定快樂,佢o地大個o左都會愛同父母溝通~
為此, 我們各位家長要努力啊!!!!!
公映日期：31／10／2013
