Black Stump Central

早前參加了Black Stump Central的Facebook活動，

可以免費試下它的lunch set，

今日專誠來到中環士丹利街11號2樓試一試

來到呢間澳洲品牌和style的餐廳，感覺好舒服，陳設比較簡潔

環境都唔錯(可能它新開張)，有落地玻璃可以睇到街境！

它的lunch set由$85-148不等(要加一服務費)，

如果以中環來說，價錢一般，都可以接受

頭盤可以選餐湯或沙律

我和龍哈仔爸爸都選了餐湯

今次的餐湯是南瓜湯，好香好滑，正！

另外仲有餐包，餐包就比較硬，感覺上麻麻

主菜方面它有薄餅、意粉、意大利飯，雞，魚，肉眼扒等選擇，

今次我選了炭燒雞，賣相唔錯，雞很滑，有2件雞脾，份量到幾多

配上雞汁，唔會太濃，一個字正！

龍爸爸選了呢個香煎澳洲魚柳

魚柳份量就比較少，賣相都唔錯，好香好滑，好有口感

最特別的應該是放在魚柳下面的這塊，

大家估下是D咩，就是薯仔造的千層餅，好特別！好有口感！

最後lunch set仲跟一杯餐杯，我們都叫了熱檸茶，

呢杯茶出奇地好飲，茶好香，配了檸檬酸味，好平均，好好味，

絕對唔是餐茶廳的水準，

總括來說，呢餐食得好開心，無論服務、環境和食物質素都唔錯，

侍應好有禮貌，會不停加水，他們的經理仲會不停問客人覺得食物水準如何，

希望他們會繼續努力，keep住呢個水準！