我要努力向上

依家龍哈仔仲未出世，
所以仲有D時間可以寫下blog，
如果龍哈仔出世後，相信都無咩時間寫blog啦！
所以今日一口氣寫了幾篇blog！
除了上網search下資料，
最近亦去了圖畫館借書，
主要都是坐月、育兒和瘦身！！！

呢本書幾好，
講坐月其實是要因應媽媽的身體來吃食物，
而且所講的食物較清淡和容易跟，
呢本書是台灣出的
其實台灣的坐月服務是最專業的，
她們好早之前已經有月子中心，
而且好專業和普遍，
在台灣現代的女性都會到月子中心坐月，
月子中心就會提供媽媽的膳食和照顧bb
服務大致和香港的陪月差唔多，
但香港就在屋企坐月，
台灣就在月子中心坐月，
如果香港有月子中心都幾好，
不過就算有都肯定收得好貴！！！
我無請陪月，因為我有龍爸爸和奶奶照顧，
龍爸爸一次過拿了今年的大假(3個星期)，
加埋奶奶，應該可以應付，
而且陪月請到好的就無所謂，
唔好的真是貼錢買難受

bb未出世，先借定呢本育兒手冊，
以防生了之後遇到咩問題手忙腳亂，
我奶奶看了都話好詳細，
如果老人家奶奶或者媽媽肯看書，
借幾本她們睇都幾好，
免得到時有代溝，
始終時代唔同，
照顧bb的方法，用品都唔同，
都時白紙黑字，寫在本書，爭執都少D

最後當然唔少得的產後瘦身啦！
雖然今次有了龍哈仔後唔是肥了好多，都好標准，
但大多數都是肥在下半身，
特別是patpat、大腿等，
我之前都試過減了20磅，無反彈，
但當時比較年青，
加上我想好好坐月，唔會理食了肥唔肥，只是理健唔健康，
頭一個月，我食得的話我一定會食，因為要餵人奶給龍哈仔，
但產後瘦身皇金期只有半年，所以借定以防萬一！！！
睇下有咩健康又快的減肥方法！！！
呢本書值得推介，因為它列了很多減肥方法，
我之前都試過用呢D方法減過，真是work，無反彈！！！
而且比較詳細，
我的目標的要在半年內減肥成功！！！