第二次產險 x 流啡 (@4w3d)

2010.3.6 (星期六) 如常同老媽嘆過茶後就shopping了一陣子, 之後就約99行埋轉吉吉島超市 (其實總共只係行o左個半至兩粒鐘左右), 回家後便發現了..........

........流啡

本來都叫自己冷靜冷靜, 因為當日既流量未算多, 叫自己當呢d係正常分泌 ~

可惜第二朝仍然流啡, 個心當然又寒寒地啦, 上網睇資料, 好多都話流啡係作小X既症兆

星期一返工 (2010.3.8) 流啡情況仍然持續, 而且仲好似多O左tim, 唯有5555555打電話去醫生到睇吓有冇期, 好彩下午四點幾仲有個booking.........

...........醫生一見到我就估我有問題 (因上次佢已經講冇樹冇幹就兩星期後見佢......除非流血流啡等不正常現象), 於是乎佢拿拿臨幫我檢查陰道同用陰照, 幸好發覺暫時都冇出血既現象, 貢佢就俾d安胎藥我塞同埋寫了7日病假叫我 bed rest 同埋叫我唔好行貢多 (貢我反問, 吓........行個幾鐘都多叫呀?! 佢就話現階段係唔好行貢多wor)

由於醫生今次用陰照, 我終於可以見到芝士餅個胎囊啦, yeah!!!!! 不過........貢點解醫生上次佢唔陰照呢?!  (原來我弟婦當初3w+都用了陰照來睇胎囊)  e家照o左起碼知道唔係宮外孕, 個心又安落番丁屎貢多 ~ 

.............真係估唔到原先要兩個星期後先見芝士餅, e家變o左幾日後就可以見到佢啦, 4w3d既佢, 成個胎囊只係0.43cm咋, 1cm都未夠, 真係驚一陣風就會吹走佢啊  

 --> 安胎藥

係呢個時候, 我已經開始感受到養兒一百歲, 長憂99既心情呢  真係好似廣告貢個媽媽咩都會為自己個BB擔憂 ~

亦都因為要bed rest, 我就成了隻妲妃吱啦啦啦啦啦 ~

 

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================