媽媽節飯@都會煌府

今晚同4個媽媽一齊食媽媽節飯

有我老媽、仔媽、Ali媽 (即未來弟婦) 同埋Ali婆婆 (即弟婦媽)

揀o左近紅館既都會煌府......可惜我唔係去睇Kay呢, 噢!

9個大人同1位半歲既Ali妹, 個經理居然留o左間可以擺4-5圍既廳房俾我o地

係未齊人之前, 仔爸叫了3個餐前小吃 (冇影相): 計有牛展, 青瓜海"節", 沙薑雞腳.......我只食了牛展, 好入味...........而佢o地話全都好味呢 ~~~

之後再點了8餸一湯..........

唔知咩瓜燉響螺吱湯 : 好清, 正!!

 

大哥叉燒: 必食啊~~~~

之前預留既老虎斑........都可以, 不過蒸得老o左少少 (可能成兩斤幾啦), 我們比較喜歡利苑既魚魚 (不過價錢平超過一半有多, 所以又唔可以直接比較既)

西蘭花帶子桂花蚌: 舊帶子好大夠呢 (其實想食玻璃蝦球, 可惜沽清 =.=)

  

石窩牛仔骨: 入面有d燒紅o左既石春keep住牛仔骨既溫度嫁, 幾得意呢 ~

 

湯底同腐皮都非常yummy既什菇菜菜子

 

原來個豆腐幾好味既花膠燴豆腐

 

比較一般同有d spicy既霸皇雞

   

椰皇燉燕窩: 又平又正!  另一必食推介!!!!

呢樹既碟頭幾大份, 今餐大家食到飽飽都仲可以打包四盒野拎走, 而且位位唔屎$200, 都幾抵食呢 ~

老媽佢都幾滿意, 而且來緊既父親節佢已經想encore呢, 呵呵呵 ~

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================