2013.12.21 (星期六)
之前係大頭妹媽媽個blog見到佢o地一家四口去o左香港愉景灣酒店過o左個weekend
唔睇blog都唔知原來愉景灣開o左間新酒店
睇d相仲好正貢, 當其時都心cc想去.........
不過當時豬仔包剛出世, 當然冇可能立時go go go 啦
轉眼間, 豬仔包都快5個月大
呢排週遭的同事朋友都去日本旅行, 又搞到我心癢癢
明知暫時都未可以去住, 於是又令我想起去香港愉景灣酒店來個小住
原先想X'mas入去住, 不過boxing day 又約了成班8月bb開party
為免趕去開p, 我們就提早係weekend入去過冬
係我們一家四口第一次小trip啊, 呵呵呵~
呢日芝士餅上完音樂班之後, 我們回家食個quick lunch就拖o急一家4口去中環碼頭出發啦~
本身去香港愉景灣酒店有好多方法, 詳情可以參考:
其實酒店也有免費shuttle bus服務, 可以由灣仔, 尖沙咀、紅磡、欣澳及迪士尼樂園直接去酒店 (不過, 當然要按時間表等候)
不過, 我o地呢d帶b帶小朋友o既就未必夾唔到shuttle bus 時間, 所以就去中環3 號碼頭坐客輪，25 分鐘就到達愉景灣, 好快呢~
去到愉景灣碼頭, 除o左可以坐免費shuttle bus入酒店, 亦都可以坐C4 / C9巴士入酒店 ($4.4)
由於我們miss了免費shuttle bus, 所以我們就坐巴士入去
上o左車, 過埋隧道, around 5分鐘左右就到北愉景灣落車
一去到就feel到好有X'mas氣氛啦
我家姐姐話D相都有去日本渡假feel ~
酒店3pm開始check-in, 我們差不多4pm先入到去, 所以一去到唔洗排就check-in完
check-in 期間, 仲有位靚靚姐姐送o左d welcome cookies同小禮物俾芝士餅
相信酒店其中o既 target customers係family, 因為係lobby見有小丑扭波波俾小朋友......
...........可惜我家膽小餅一見小丑就調頭走唔要扭波波 ><
check-in 完, 我們就上17/F
我們住的是單臥室海景套房
一入到去....................................
....................................
嘩, 超級無敵大海景啊!!!!!
個廳, 間房, 廚房同洗手間都對住個海啊~~~~~~
![]()
一向好鐘意住酒店o既芝士餅, 入到房就周圍走來走去好hyper
間套房真的好正..............正到令我幻想如果係自己屋企有貢大貢好view就好了!!!
為我家豬仔包預備了bb床同少量bb用品............仲有浴盆呢
不過如果有埋坐奶器同烚奶器就super perfect! 呢點, 我係佢o地後來send俾我的問卷調查中也有反應 (嘻嘻...........呢d係真實媽媽心聲ma)
套房關係, 房同廳都有電視.............有老公至like的足球台, 又有芝士餅啱睇的兒童台
唔水出房, 我家呢兩位大爺, 一個係房睇波, 一個係到走來走去已經好開心!
房大真係好, 唔水周圍去, 芝士餅已經好開心........
......不過, 個浴室又大又有view, 媽媽我都好hyper啦 ^^
玩到6pm, 我家芝士餅攰到訓o左, 豬仔包食完奶又訓埋
媽媽我就襯呢個時間落酒店下面行下影下相
雖然香港愉景灣酒店唔係叫好大好大, 不過亦都五臟俱全
酒店2/F有好多唔同設施俾酒店住客玩
好似gym room
有泳池..........可惜e家冬天close o左, 好想夏天再來同兩隻小鬼玩水啊! 個泳池好好view ~
有spa做
仲有kids club同埋酒店o既康樂活動娛樂團隊每個月都安排好多適 合一家大少o既活動俾住客參加 (呢個我另外寫多篇講)
而酒店隔離又有個靚到不得了, 好似關島o既White Chapel
呢個小教堂又係對住個無敵大海景, 成個feel好鬼正!
如果有朋友來緊結婚, 我真的真的highly recommend佢o地來呢樹行禮, 貢就唔水去到關島貢遠又只得小cat幾丁親友觀禮啊!
再行過酒店少少仲有個北愉景灣商場, 呢樹有幾間食店, salon, 地產公司 (哈.........係香港, 地產公司無處不在), 花店, 童裝, playgroup center 同至緊要的supermarket!
間supermarket收10pm, 有需要入d薯片啤酒返上酒店or買日用品都好方便~
由於我book o左7pm 食buffet, 所以行o左陣就要返上去湊d主子去用膳啊~
關於個dinner buffet, 請留意下篇blog介紹啦 ^.^
============================================
感謝 ggmamafamily 提供以上資料
ggmamafamily的網誌: http://gg-mamafamily.blogspot.hk/
============================================
香港愉景灣酒店
JL Cafe.Kitchen
禪修體驗班
6月27日 樂富培訓就業日
青山發電廠- 中電CLP
Party Ideas HK
The Park Lane Hong Kong, a Pullman Hotel 柏寧酒店
塞舌爾