2013.8.29 (星期四)
好.........寫完細佬佬就寫家姐姐啦~
呢個月我只可以用
"失心瘋"來形容芝士餅!
估唔到豬仔包o既出現, 對佢有著如此這般大的衝擊
佢一方面好肉緊細佬佬, 見親佢又要抱又要錫
但另一方面, 佢內心深處又唔知點唔知點貢...可能都有呷醋潛意識掛
佢冇時嘅時候就是一粒開心果，一失心瘋時我內心真的想狠狠揍她！！
呢樣唔係、果樣唔啱。。。真的搞到人都癲〜
又成日都要痴嫲嫲（之前我或者工人姐姐陪瞓都冇問題，失心瘋期間只搵嫲嫲，中間又會紮醒喪喊搵嫲嫲。。。真的辛苦晒99）
當然想息事寧人的話，乜都順佢意，我們的日子會易過d
之但係，我怕她將我們的底缐愈整愈低，也擔心她變大臭四
所以我仍然盡力堅守抵缐。。。
當然換來瘋癲喊聲（其實我內心都好痛苦）
我知道。。。要個3歲未夠嘅小朋友突然接受貢多新事物新轉變，可能一時三刻接受不了 （因暑假期間我又週圍報咗d暑期班想佢消磨下時間，點知就仲賴嘢）
唯有付出更多的愛同耐性俾芝士餅
到坐月後期，決定提早出山陪芝士餅朝早去公園去playroom放下電，又去下圖書館超市逛下 （順便tune佢變返上晝班mode)
制造多d兩個人獨處的時間，希望佢知道我都愛錫的囡囡就是她！
經過個多星期，芝士餅失心瘋嘅程度的確有所控制。。。
我們要繼續努力喔〜
============================================
感謝 ggmamafamily 提供以上資料
ggmamafamily的網誌: http://gg-mamafamily.blogspot.hk/
============================================
