芝士餅上星期六 (2012.11.10) in 其中一間區內心儀學校收到上午班offer啦
![]( "(rock on!)")
![]( "(rock on!)")
![]( "(rock on!)")
呢間學校係我們由之前未申請考N班已經喜歡的
因為.............有學券, 課程唔太淺 (好變態的媽媽喔), 以往紀錄去我們超心儀o既小學比率比較高 (超心儀o既小學有9成可上第一志願中學)
所以.............由N班開始我們已經好想入, 可惜N班當時話唔收細B, 做o左waiting我由9月打電話問有冇插班都係冇消息
其實呢間幼稚園只是我們區內出名的, 同其他區外人講, 可能冇人識 (反而芝士餅e家讀果間仲多人識)
我們喜歡只因它往績告訴我們可以超心儀o既小學比率比較高
而我們超心儀o既小學也只是區內出名, 同出名谷.............仲谷到有小朋友跳樓!!!
加上國教事件之後 (呢間小學有機會染紅), 老公就成日哦我係唔係真的想貢谷個囡
講真, 你問我, 任何時候我都只係想芝士餅身體健康, 快樂開心
我唔係要芝士餅做人中龍............我覺得做人永遠係中間位置就至開心~
只是別人的故事告訴我, 如果一開始係happy school返學, 上o左小學就會unhappy, 好辛苦去pick up
與其係貢, 我覺得倒不如一開始就慣o左係谷谷地o既環境學習, 小朋友就會易好多適應
而且我自己成日都覺有d壓力下成長, 才會谷到個小宁宙出來 (一個人太冇壓力可能會太hea.............hehe, 呢個係我個人理論, 不喜勿插)
由於我係災難小姐 x 怪獸家長o既cross over, 早排又開始擔心往績唔等於現況o既道理
![]( "(worried)")
而且如果可以上到d一條龍o既學校, 我3年後就唔水再頭痕過, 個profile亦都會靚正好多 (好一個噓榮媽媽
![]( "(no talking)")
)
所以當日我恨到流口水o既學校e家收到offer, 我o既開心程度又冇貢大開心...........之不過個心就定好多 ~
你睇...........你睇..............我係幾貢怪獸, 幾貢衰格!!!!
就係因為我o既seafood, 老公已經成日話我係怪獸媽咪
佢覺得芝士餅e家呢間N校已經好好
如果我們怕學費太貴負擔不來, 就只需報E家呢間獲K1 offer o既已經good enough, 其他學校根本唔水報, 而我亦都唔水因此而煩
呀仔更加怕我報果d太有名o既名校, 怕有太多有$人係樹讀個channel會唔啱
其實有時我都好欣賞我的呀Q老公
或許我真的太seafood太law-lei-jean
![]( "(big grin)")
有時我們家長心儀o既學校究竟係唔係真的啱自己o既小朋友呢?!
可能我一心想餅入o既龍校, 餅一d都唔開心又點算?!
老公話唔好特別強求, 做o左自己能力可以做的就算了
一切還看個天的安排吧!
而我, 亦都要感恩e家有的offer ~~~~~
============================================
感謝 ggmamafamily 提供以上資料
ggmamafamily的網誌: http://gg-mamafamily.blogspot.hk/
============================================
