5個月大 ^^

噢 ~ 噢 ~ 噢 ~ 唔捨得呀! 唔捨得呀!

點解d時間快到無晒影嫁

貢快又一個月了, 今日芝士餅已經係5個月人仔了

 

雖然過了5個月, 但我仍然係一個新手媽咪, 巧多野仍然唔識但又成日驚呢驚路

芝士餅就愈來愈係我既心肝寶貝啊  所以我更加唔想芝士餅既baby日子過得貢快呢

**********************************************************************

呢個月因為咳咳 (氣管敏感) , 芝士餅已見了兩次醫生, 嗚嗚嗚 ~

其實到e家佢仍然有一聲起見兩聲止的乾咳 (都試過有幾日成日都冇咳), 由於我們又唔想佢成日食藥, 加上老媽話可能轉天氣既影響, 所以我們暫時就觀察多陣先決定再去唔去睇醫生

每次芝士餅一咳, 我所有神經都會立時企晒起身, 個心又會拿住拿住赤赤痛.......所以早陣子自己打敗仗時心裡真的希望將她的病過晒俾自己, 旦我可以頂晒啊 

一如以往, 芝士餅食奶既進度仍然令我既腎上腺素大上大落

有時她可以5分鐘KO了180-210ml  但有時(可能好多時)攪她兩粒鐘都食唔到兩安 餓她一餐啦, 以為她下一餐可以食番多d, 點知仍然只食少少 (say 兩安) .........好啦, 下餐唔開太多費樹浪費啦 (say 150ml), 佢又好似食唔夠貢真是今餐唔知下餐樹

雖然醫生/ 姑娘/ 網上資訊都告訴我唔水迫佢食, bb會自然控制到佢o地既食量, 而且每個bb都係獨立個體, 唔需要同唔應該作比較, 但係..............

...........災難小姐既我始終會間歇性擔心佢唔夠飽, 擔心唔夠營養 --> 因而影響身體/ 腦部發展; 而且當聽到周遭既bb可以餐餐快chur 6/7安奶既時候, 而自己個囡就................唉, 自不然個心充滿著失落感同失敗感  成日都會諗係唔係自己既問題, 係唔係自己湊得佢唔好

但我知道我唔可以對芝士餅發惡 / 抱怨 / 讓她感受到唔開心既心情, 所以就算餵緊佢既時候係有幾貢沮喪, 我仍然會提醒自己要笑住面對芝士餅......至多旦佢o左之後就同好友們傾訴一下........如果唔係真是人都癲呢

上個星期開始, 我們聽契婆既建議, 用米水開奶俾芝士餅飲, 希望可以通下芝士餅既腸胃 (契婆話佢粒孫由nb到大餐餐都用米水開奶, 結果由5 lbs 多既bb變成長了很多肉的可愛bb ) 不過so far 我們只是一日兩餐用米水開奶, 因為我想觀察下她適唔適應先 [感恩暫時情況都可以] 之於開奶茶, 如果情況再get worse, 或者6個月之後先會俾佢試試.............

因為芝士餅既玩奶, e家好多時一日都食唔足5餐, 只食到4餐咋  而且個schedule又會亂o左籠 

我已經好擔心遲d食o左糊仔/粥仔之後, 佢會不會更厭奶呢, 會不會食得更少呢  所以暫時仲未俾米糊佢食住, 加上醫生同健康院姑娘都話6個月之後先至食 ...........不過或者我們會係5個半月之後俾一兩匙佢try try 啦 ~

其他方面, 體重佢頭呢半個月超厭奶, 10/3 號睇醫生樹都冇重過.........之後15/3 號再睇就有15lbs; 身高雖然冇度, 但好多70/80既褲仔都吊晒腳, 而佢訓係high chair到, 腳仔已經點晒邊呢

方面, 仍然覺得佢overnite呢覺太遲先

 (normally 1:30am to 8:30am) , 好想tune番佢早d 訓 (即變相佢要早d起身食奶), 但知道99湊呢隻厭奶b的確辛苦 (因為芝士餅暫時係要同奶奶同房), 加上佢食奶既pattern, 真是唔係一時三刻改到, 希望姐姐遲d來到, 芝士餅同姐姐同房, 我就可以易d控制佢早睡早起既pattern ~

發展方面, e家芝士餅多了手仔腳仔既活動, 可以拎住d公仔一陣子..........成日都喜歡有人陪佢傾計, 講野/ 叫囂亦都多o左呢  呢排又愛上食喊臭手, 她喜歡食食下奶咀係我們不知不覺間擺隻手指公入口食 而且流口水都流多了好多!  有見及此, 我的起心肝買了隻Sophie俾佢玩同咬, 希望佢唔好成日咬手指 (因我prefer佢食奶咀多過手指呢!)

而Tummy time 就同上個月差不多, 雙手可以撐起個頭同膞頭位......仲未識轉身, 有時換片片時見佢巧似巧想轉身貢, 擺佢去大床啦, 佢又唔願郁, 激屎  

其實e家應該要開始與她玩多d有益身心既親子/ 早教活動, 不過有時放o左工/ 餵完奶個人已經榭晒.................唔得, 呢方面我唔可以懶, 要加油加油喔

芝士餅: 你開始愈來愈大, 身心既發展同學習既野都會愈來愈多, 爸爸媽媽並不想迫你成為什麼資優小朋友, 我們只希望你健康快樂, 時時懷著感恩同愛心的小寶寶啊!

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================